Sjö kraftmiklar kristallskúlur
Úr Wikipediu, frjálsa alfræðiritinu
Sjö kraftmiklar kirstallskúlur (á frummálinu: Les sept boules de cristal sem þýðir „kristallskúlurnar sjö“) er þrettánda bókin í Tinnabókaflokknum og er eftir belgíska teiknarann Hergé. Bókin kom fyrst út árið 1948 og samdi Hergé hana á meðan nasistar réðu yfir Belgíu í seinni heimsstyrjöldinni. Bókin kom út 1974 á Íslandi í þýðingu Lofts Guðmundssonar.
[breyta] Söguþráður
Bókin byrjar með Tinna í lest að lesa um að leiðangursstjóri frægs leiðangurs í Andesfjöllum, Sanders Harðhnútur, fannst í dái heima hjá sér. Farþegi í lestinni segir þetta munu koma fyrir hina meðlimi leiðangursins eins og gerðist fyrir fornleifafræðingana sem opnuðu grafhýsi Tútankamons. Tinni heldur síðan til Mylluseturs til að heilsa upp á Kolbein kaftein. Kolbeinn biður Tinna að koma með sér á sýningu í listahöllinni. Þar sér Tinni að Alkasar hershöfðingi er einn af skemmtikröftunum. Í einu atriði dáleiðir frægur fakír aðstoðarkonu sína, frú Jamilla, svo hún geti svarað hverju sem er. Hann spyr hana hvort ein konan sé gift, og Jamilla játar svo en segir að maður hennar, sem er ljósmyndari nýkominn frá fjarlægu landi, þjáist af dularfullum sjúkdómi og líður svo yfir hana. Síðan kemur tilkynning til konunnar um að hún eigi að fara heim því maður hennar, Flóki, sé veikur. Tinni segir kafteininum að Flóki var ljósmyndari Sanders Harðhnútsleiðangursins. Því næst hitta þeir Alkasar, sem kallar sig Ramon Zorate og hefur suður-amerískann indjána sem aðstoðarmann. Alkasar segir Tinna að Tapíóka náði völdum og hrakti hann úr landi.
Daginn eftir heimsækja Skaftarnir Tinna og sýna honum að brot úr kristallskúlum sem fundust við hlið Sanders Harðhnúts og Flóka. Læknar telja að þær hafi innihaldið svefnlyf. En áður en Tinna og Sköftunum tekst að vara fleiri meðlimi við falla þrír aðrir meðlimir; Dr. Laufi, monsjör Cantonneau og magister Markús, í dá. Þá er bara tveir meðlimir eftir: dr. Hornklofi og prófessor Fimbull Fismann. Skaftönum mistekst að vernda Hornklofa, svo þá stendur bara Fismann einn eftir.
Tinni fer að tala við Kolbein um þetta og þá segist Vandráður vera vinur Fimbuls og bíður þeim með sér að hitta hann. Fimbull gleðst komu Vandráðar og sýnir þeim inkamúmíuna Raskar Kapak, þrumuguðinn, sem þeir komu með úr leiðangrinum. En hitinn sprengir tvö dekk hjá Kolbeini þannig að Tinni og félagar verða að gista hjá Fimbuli. Um kvöldið verður heljarinsþrumuveður. Tinni les þýðingu Fimbuls á rúnum sem fundust í grafhýsi múmíunnar sem segir frá sjö hvítum útlendingum sem taka lík Inkans og munu gjalda fyrir. Skyndilega slær eldingu niður stromp Fimbuls og kemur niður sem eldkúla og eyðir múmíunni. Aðeins skart hennar situr eftir. Samkvæmt spádómnum átti þetta að gerast áður en að hefnd Raskars Kapaks gengi upp. Um núttina dreymir Tinna, Kolbein og Vandráð sömu martröðina: Raskar Kapak laumast að þeim og kastar riasastórri kristallskúlu. Allt í einu byrjar Tobbi að spangóla fyrir framan svefnherbergi Fimbuls. Tinni, Kolbeinn og lögreglufulltrúinn, sem sá um að gæta hússins, brjóta upp hurðina og finna kristallsbrot á gólfinu og Fimbul í dái.
Þeir athuga alla glugga í húsinu og Tinni uppgötvar að skart múmíunnar er horfið. Tinni finnur líka kaðal sem rennur niður gegnum strompinn. Þeir finna árásarmanninn í skóginum og særa hann, en hann sleppur. Næsta dag virðist Fimbull sjá ofsjónir á nokkurra tíma fresti. Vandráður spyr um Fimbul en misheyrir og heldur að hann hafir farið í boltaleik í garðinum. Á göngu sinni finnur Vandráður armband múmíunnar og setur það á sig. Síðan skilar Vandráður sér ekki og Tinni og Kolbeinn leita hans. Tinni finnur verksummerki áfloga og skilur að Vandráði hafi verið rænt. Þeir finna þrjótana en þeir sleppa. Þeir lýsa eftir bílnum en finna hann yfirgefinn í skógi.
Næsta dag segja Skaftarnir Tinna að heimsækja sjúkrahúsið þar sem vísindamennirnir sjö liggja og sýnir læknirinn honum að þeir sjá allir ofsjónir á sama tíma. Tinni heimsækir Kolbein sem fær boð frá lögreglunni um að bíll mannræningjanna fannst í hafnarborginni Saint-Nazaire. Í Saint-Nazaire kemur Tinni skyndilega auga á Alkasar. Hann segir Tinna að Síkító, aðstoðarmaður sinn hvarf fyrir nokkrum dögum og hann sjálfur væri á leið til San Theódoros. Hann segir Tinna að Síkító hafi verið ekta Inki. Tinni og Kolbeinn fara svo til La Rochelle til að spyrja vin Kolbeins um málið. En komast að því að hann lagði úr höfn. Vonlitlir ganga Tinni og Kolbeinn um La Rochelle og sparkar Kolbeinn í gamlann hatt og undir honum var múrsteinn. Þeir komast að því að þetta er hattur Vandráðar og spyrja prakkarana hvar þeir fundu hattinn. Þeir segjast hafi fundið hann við bryggju nr. 17. Tinni og Kolbeinn komast að því að eina skipið sem var við bryggju 17 daginn sem Vandráður hvarf var fraktskipið Pakakama sem var á leið til Kallaó í Perú (land Inkanna). Tinna grunar að Vandráður sé um borð og halda þeir félagar til Perú til að bjarga honum.
|
|
|
|---|---|
| Ævintýri Tinna | Tinni í Sovétríkjunum (1930/2007) • Tinni í Kongó (1931/1976) • Tinni í Ameríku (1932/1976) • Vindlar faraós (1934/1972) • Blái lótusinn (1936/1977) • Skurðgoðið með skarð í eyra (1937/1975) • Svaðilför í Surtsey (1938/1971) • Veldissproti Ottókars konungs (1939/1974) • Krabbinn með gylltu klærnar (1941/1973) • Dularfulla stjarnan (1942/1971) • Leyndardómur Einhyrningsins (1943/1976) • Fjársjóður Rögnvaldar rauða (1944/1977) • Sjö kraftmiklar kristallskúlur (1948/1974) • Fangarnir í sólhofinu (1949/1974) • Svarta gullið (1950/1975) • Eldflaugastöðin (1953/1972) • Í myrkum mánafjöllum (1954/1973) • Leynivopnið (1956/1975) • Kolafarmurinn (1958/1975) • Tinni í Tíbet (1960/1974) • Vandræði Valíu Veinólínó (1963/1977) • Flugrás 714 til Sidney (1968/1976) • Tinni og Pikkarónarnir (1976/1977) • Tintin et l'Alph-Art (1986) |
| Persónur | Tinni og Tobbi • Kolbeinn kafteinn • Vandráður prófessor • Skafti og Skapti • Aðalpersónur • Aukapersónur • Allar |
| Staðir | Bordúría • Klow • Myllusetur • San Teódóros • São Rico • Syldavía |
| Sjónvarpsþættir | Ævintýri Tinna eftir Hergé (1958–62) • Ævintýri Tinna (sjónvarpsþættir) (1991–92) |
| Kvikmyndir | Krabbinn með gylltu klærnar (1947) • Tinni og gullna reyfið (1961) • Tinni og bláu appelsínurnar (1964) • Tinni í sólhofinu (1969) • Tinni og Hákarlavatnið (1972) • Tinni (kvikmynd) |
| Heimildamyndir | Ég, Tinni (1976) • Tinni og ég (2003) |
| Tölvuleikir | Tinni á tunglinu (1989) • Tinni í Tíbet (1994) • Fangarnir í sólhofinu (1997) • Til móts við ævintýrið (2001) • Hin mörgu ævintýri Tinna (2008) |
| Aðrar Hergé-bókaraðir | Palli og Toggi (1930–40) • Villi og Vigga í Löppungalandi (1934) • Ævintýri Alla, Siggu og Simbós (1936–57) • |
| Samstarfsfólk | Bob de Moor • Edgar P. Jacobs • Jacques Martin • Greg • Roger Leloup |
| Tengd nöfn | Fanny Rodwell • Philippe Goddin • Michael Farr • Benoît Peeters • Numa Sadoul |
| Ýmislegt | Le Thermozéro • Tinnabækur, -kvikmyndir og fleira • Tinnafrímerki • Tinnapeningar • Hugmyndafræði Tinna • Listi yfir bækur um Tinna • Hergé-stofnunin • Le Petit Vingtième • Tintin (tímarit) • Casterman • Fjölvi • Háðsádeilur |
