Spjall:Kristinn Ágúst Friðfinnsson

Úr Wikipediu, frjálsa alfræðiritinu

[breyta] Meiri upplýsingar

Ég tók út sitthvað af upplýsingum úr greininni sem mér fannst hreinlega ekki eiga við í þessari grein, vegna þess að þær fara nokkuð út fyrir efni greinarinnar.

Þær eru helstar:

• Ósk er dóttir Sophusar Salomons Magnússonar, smiðs og sjómanns, f. 19. okt. 1893 í Fornubúð í Súðavíkurhreppi, N.-Ísafjarðarsýslu, d. 6. okt. 1986 á Akranesi, og konu hans Sigureyjar Guðrúnar Júlíusdóttur, f. 24. nóv. 1901 í Kjós, Árneshreppi, Strandasýslu, d. 13. maí 1983 á Akranesi.

• Foreldrar Friðfinns voru Kristinn Ágúst Friðfinnsson, f. 2.8.1895 á Galtastöðum í Gaulverjabæjarhreppi, d. 27.11.1953, Þorlákssonar, f. 22.11.1861 og Guðrún Jóhannesdóttir, f. 1866. Móðir Friðfinns var María Jónsdóttir, f. 7.6.1895 í Gerðum í Gaulverjabæjarhreppi, d. 23.10.1961, Erlendssonar, f. 20.8.1835 í Klofa og Kristín Þorláksdóttir, f. 17.3.1858 á Galtastöðum.

• Foreldrar Önnu Margrétar: Betúela Anna Júlíusdóttir, húsfreyja, f. 12.12. 1923, og Guðmundur Gunnarsson, byggingaverkfræðingur, fyrrv. forstöðumaður tæknideildar Húsnæðisstofnunar ríkisins og síðar formaður og framkvæmdastjóri Samtaka aldraðra, f. 25.6. 1928.

• Systkini Önnu Margrétar eru: Ólöf Guðrún Magnúsdóttir, sammæðra, tækniteiknari í Reykjavík, gift Örlygi Þórðarsyni, lögfræðingi hjá Landsvirkjun; Sólveig, lögfræðingur í Reykjavík, skrifstofustjóri heilbrigðis- og tryggingamálaráðuneytisins, kvænt Birni Líndal, héraðsdómslögmanni; Hlíf, hjúkrunarfræðingur og deildarstjóri við námsbraut í hjúkrunarfræði við Háskóla Íslands, gift Geir Björnssyni, tölvunarfræðingi; Hrönn, hjúkrunarfræðingur, búsett í Bandaríkjunum, kvænt Frank Sicari, kennara; Gunnar Örn, rafeindavirki í Reykjavík, kvæntur Helgu Margréti Söebeck, lyfjatækni.

[breyta] Hvað með að eyða þessu?

Þetta er eiginlega bara ferilskrá manns sem ég tel nú ekki sérstaklega þekktan. Þó svo hann væri þekktur þá er þetta afar lélegur texti, þetta eru bara upptalningar og ártöl. --Friðrik Bragi Dýrfjörð 4. maí 2006 kl. 17:52 (UTC)

Mér finnst ekki eiga að eyða þessu, heldur hafa aðalatriðin inni, taka fram að hann hefur leikið í fleiri en einni (að mig minnir) íslenskri kvikmynd. Það er erfiðara fyrir mig að sætta mig við eyðingur fyrst ég þekki viðfansefnið, en ég er samt fullkomlega sammála því að það eigi að stytta þetta eitthvað. Sbr. Gunnar Björnsson, sem fær að vera inni bara fyrir að hafa verið prestur í Fríkirkjunni, fyrir vestan og á Selfossi. --Jóna Þórunn 4. maí 2006 kl. 18:12 (UTC)

Er það bara ég eða kemur hvergi fram að hann hafi leikið í kvikmynd þarna? Annars þykir mér hann ekki eiga grein skilið heldur ef hann var einhver bakgrunnsleikari, ef greininn á að halda sér þá þyrfti það að vera aðalhlutverk (og þá þarf það náttúruleg að koma fram!). Annars veit ég ekkert um þessa grein um Gunnar Björnsson, það getur vel verið að það megi eyða henni líka. --Friðrik Bragi Dýrfjörð 4. maí 2006 kl. 20:39 (UTC)

Kannski þarf leikari ekki að vera aðalleikari til að eiga skilið grein um sig (fullt af aukaleikurum gætu átt skilið greinar). Ég myndi segja að leikaraferillinn nægði einn og sér ef maðurinn er nógu mikill leikari til að það sé hægt að kalla hann leikara í innganginum. Nú ef ekki, þá erum við enn með sama matsvandann og áður, þar sem meta þarf alla heildina einhvern veginn. --Cessator 4. maí 2006 kl. 22:50 (UTC)

Ég hafði samband við son Kristins og hann gaf mér upp nokkrar myndir, eitthvað sem ég þorði ekki að fara með. Svo hefur Kristinn sjálfur leiðrétt, þannig að nú eru helstu myndirnar komnar inn. --Jóna Þórunn 4. maí 2006 kl. 22:52 (UTC)

Textann mætti eflaust laga, en eins og þú bendir á er hann núna meira og minna upptalning og hljómar eins og hann sé að verulegu leyti beint upp úr prestatali eða einhverju slíku. Ef svo væri, þá væri vissulega ekki um „nýjar rannsóknir“ að ræða en í staðinn væri e.t.v. um höfundarréttarbrot að ræða, sem er öllu verra. Það má leiða líkum að því þetta sé hégómagrein, en á hinn bóginn er ekki að sjá að hún sé neitt gífurlega hlutdræg. Af því að hér er ekki vísað í heimildir er innihald greinarinnar strangt tekið ekki sannreynanlegt (í Wikiskilningi) en fullyrðingar greinarinnar eru reyndar þess eðlis að ég hugsa að það sé ekki rík ástæða til að draga þær í efa (ártöl og námsgráður eru á endanum sannreynanleg, kannski með litlu meiri fyrirhöfn fyrir lesandann en að hafa upp á heimild sem vísað væri í). Þá er spurning um „notability“, sem má segja að sé alveg á mörkunum. Ég held að leita yrði að einhverju sem uppfyllir það skilyrði í köflunum um helstu störf eða félags- og trúnaðarstörf.Í fljótu bragði sé ég ekkert eitt sem stendur upp úr og réttlætir greinina; það verður, held ég, að meta það allt sem eina heild, þegar spurt er hvort framlag mannsins uppfylli kröfur um „notability“. --Cessator 4. maí 2006 kl. 18:24 (UTC)