Rio de Janeiro (urbo)
De Wikipedio
|
|||
| Stato | Rio de Janeiro | ||
| Surfaco | 1 182 km² | ||
| Lojanti Lojanto-denseso |
6.136.652 (2006) 5.190,5/km² |
||
| Latitudo | 22º 54' S | ||
| Longitudo | 43º 14' O | ||
| Altitudo | 2 m | ||
| Distanco di Brasília | 1.160 km | ||
| Alkaldo (partiso) | César Maia (DEM) | ||
| Internet | http://www.rio.rj.gov.br | ||
| Mapo di l'urbo en Brazilia | |||
|---|---|---|---|
 |
|||
Rio de Janeiro (pronuncez kam Riyu de Janeeru), en Brazilia, esas la chefurbo di la homonima stato di Rio de Janeiro. Ol jacas en litoro, 420 km esto di l'urbo di Sao Paulo, e 1140 km sudo di Brasilia, la Braziliana chefurbo. Rio havis 5.473.909 lojanti segun 2000 kontado.
Rio de Janeiro esas la maxim konocita turistala urbo di Brazilia, danki a sua plaji: Copacabana, Ipanema, Leblon, Sao Conrado, Barra da Tijuca. Altra punti turistala: Pano di Sukro (in Portugalana linguo, Pão de Açucar), Kristo Redemptoro, Tijuca Foresto (qua havas 14,8 km² di surfaco), Metropolala Katedralo, e diversi historiala monumenti. Altra famoza turistala atraktivo esas lua Karnavalo, kun paradi di Samba-skoli (kelka bone konocita esas Mangueira, Salgueiro, Beija-Flor de Nilópolis, et cetera).
Ma l'urbo anke esas un di maxim importanta Braziliana portui (la duesma portuo en komerco di lando) e havas importanta aeroportuo internaciona (Aeroportuo Internaciona Tom Jobim). Komerco, servado, industrio e financo anke esas importanta ekonomiala aktivesi.
[redaktar] Historio
Guanabara Bayo esis deskovrita ye 1 di januaro 1502 da Portugalana Gaspar de Lemos. Gaspar pensis ke la bayo esis un fluvio, e nominis la regiono Rio de Janeiro ("Rivero di Januaro"). Ye 1 di marto 1565 l'urbo di Rio de Janeiro esis fondita da Estácio de Sá.
Inter 1555 e 1567, Franciani esforcis vers okupar la regiono e fondar France Antarctique, ma esis ekpulsita da Portugalani.
Rio esis chefurbo di Brazilia de 1763 (dum la koloniala periodo di Braziliana historio) til 21 di aprilo 1960 (kande la prezidanto Juscelino Kubitschek inauguris Brasilia, la nuna chefurbo di lando). De 21 di aprilo 1960 til 15 di marto 1975 l'urbo formis la Braziliana mikra-stato di Guanabara (formis unike da urbo di Rio de Janeiro).
Ye 15 di marto 1975 Guanabara stato fuzionis kun Rio de Janeiro stato, e l'urbo di Rio de Janeiro esis transformita en chefurbo di la fuzita stato di Rio de Janeiro.
[redaktar] Kelke turistala punti di l'urbo
- Plaji: Copacabana, Ipanema, Leblon, São Conrado, Barra da Tijuca, Prainha, Arpoador, Recreio dos Bandeirantes, Flamengo, Botafogo, Urca, Praia Vermelha, Grumari
- Muzei: Museu Nacional de Belas Artes, Museu da República, Museu Histórico Nacional, Museu de Arte Moderna, Museu da Chácara do Céu (en Santa Tereza distrikto), et cetera.
- Kirki: Metropolala Katedralo (konstruktita ye 1972), Kirko di Nia Siorino di Candelária ("Nossa Senhora da Candelária", 1775-1811), Kirko di Santo Franciscus ("Igreja de São Francisco da Penitência", 1657-1772), Monakeyo di Santo Benedictus ("Mosteiro de São Bento", 1633-1798), et cetera.
- Pano di Sukro
- Kristo Redemptoro
- Nacionala Parko di Tijuca
- Zoologiala Gardeno
- Botanikala Gardeno
- Stadio di Futbalo di Maracanã (konstruktita ye 1950)
- Regiono di Cinelândia
- Distrikto di Santa Tereza
- Distrikto di Lapa (cirkum centro di l'urbo) e la centro di l'urbo
- Paquetá insulo (en Guanabara Bayo)
- Sambódromo (Samba-dromo, loko di Karnavalo-paradi en februaro, omna-yari).
[redaktar] Kelka famoze Braziliani qua livis en l'urbo di Rio de Janeiro
- Chico Buarque, muzikisto
- João Gilberto, muzikisto
- Machado de Assis, autoro
- Oscar Niemeyer, arkitekto
- Pedro 2ma di Brazilia, imperiestro
- Sérgio Vieira de Mello, diplomatisto
- Tom Jobim, muzikisto
