Richter-skalo
De Wikipedio
Richter-skalo esas developita da Usana fizikisto Charles F. Richter. Il propozis sua skalo ye 1935 studiinte multa tertremi.
Per la skalo on mezuras energio-quanteso libereskinta en ter-tremo, ne destrukto o ruinigo. Richter-skalo startas de 1, ed ol esas logaritma. Kresko da un unajo equivalas dekopleso en forteso e 31-opleso en quanteso di libereskanta energio. On mezuras tertremi per seismografili.
En Richter-skalo:
- 1–2 = tertremo esas remarkebla nur per mezurili.
- 3 = tertremo esas remarkebla proxim epicentro (loko super hipocentro, loko dil tremo).
- 4–5 = tertremo esas remarkebla en disto di 30 km de epicentro.
- 6 = en tertremo ofte esas viktimi e tremo destruktas habiteyi.
- 7 = tertremo igas katastrofo.
- 8 = tertremo esas klasifikita kom grandega.
La skalo ne havas supra limito, ma generale tertremo di 8,8–8,9 esabis maxim granda.