Polala koordinati
De Wikipedio
Polala koordinati esas en matematiko, koordinati-sistemo en du dimensioni, en qua omna punti di plano esas totala determinata per angulo e disto. Ta sistemo esas specale utila en la situi ube la relato inter du punti esas plu facila expresar en termi di angulo e disto, vidar per exemplo la pendulo. En ta kazo, la sistemo di karteziana koordinati, plu familiara, implikus uzar trigonometriala relati per definar tala relato.
Kom koncernesas bidimensionala sistemo, omna punto esas determinita per la polala koordinati, qua esas la radiala koordinato e l'angula koordinato. La radiala koordinato (ofte notita r o ρ, e nomita rayono) expresas la disto di vidpunto a centrala punto nominita polo (equivalo a l'origino di karteziana koordinati). L'angula koordinato (anke nominita polala angulo o azimuto, ed ofte notita t o θ) expresas la mezuro, en la trigonometriala senco, dil angulo inter la punto e la mi-rekto di angulo 0°, nominita polala axo (equivalo a l’axo di abcisi en karteziana koordinati).