Francisco Sionil José

Manipud iti Wikipedia

F. Sionil Jose
Naipasngay
Deciembre 3, 1924 Rosales, Pangasinan, Filipinas

Ni F. Sionil José wenno Francisco Sionil José (naipasngay idi Deciembre 3, 1924), ket maysa nga Ilokano a mannurat iti English ken maysa kadagiti mabigbig a kalatakan a novelista ken fiksionista iti English iti Filipinas ken pati iti Asia.

Nayanak iti marigrigat a familia nga Ilokano iti Rosales, Pangasinan, ti lugar ti kaaduan kadagiti novela ken saritana, nagbasa iti Universidad ti Santo Tomas kalpasan ti Maikadua a Gubat a Sangalubongan, ngem nagsardeng nga agbasa ket sinangona ti panagsurat ken panagiwarnak. Kadagiti simmaruno a tawtawen, nagbalin nga editor ti nadumaduma a literario ken warnakan a pablaakan, nangirugi iti maysa a pagipablaakan, ken binangonna ti sanga iti Filipinas ti PEN, maysa nga internasional a gunglo dagiti mannurat.

Dagiti sinuratna manipud pay idi dekada 60, no matipontipon amin ket agbalin a kas epiko a ti kaadu ken kasaknap ti sakupna ket itandudona ni Jose iti pantok ti panagsuratan iti English iti Filipinas. Ngem kangrunaanna, ti naynay a panangiganetgetna iti ar-arep-ep dagiti Filipino iti nailian a panagwaywayas ken naingimongan a justicia ti mangpatalged iti pateg dagiti obrana.

Iti lima-a-novela nga obramaestrana, ti Pannakigasanggasat iti Rosales, a buklen ti Po-on, Tree ("Kayo"), My Brother, My Executioner ("Kabsatko, Mammitayko"), The Pretenders ("Dagiti Manglimlimo"), ken Mass ("Masa"), imbislinna ti pakasaritaan ti Filipinas kabayatan nga es-estoriaenna dagiti kabibiag dagiti kaputotan dagiti Samson a dagiti personal a biagda ket nakabinggas iti pannakidangadang pti pagilian para iti justicia ken wayawaya.

[baliwan] Dagiti obrana

Dagiti nobela iti Pannakigasanggasat iti Rosales

Lima-a-novela a serye a mangsakup iti tallo a siglo ti pakasaritaan ti Filipinas, a maiwarwarwas ken mabasbasa iti sanngalubongan ken naipatarus iti aganay a 22 a pagsasao.

• Po-on
• Tree
• My Brother, My Executioner
• The Pretenders
• Mass

Internasional nga edision dagiti novela a Rosales

• Dusk
• Don Vicente
• The Samsons

Dadduma pay a nobnobela

• Gagamba The Spider Man
• Viajero
• Siniserye
• Ben Singkol
• Ermita

Novella

• Three Filipino Women

Koleksion ti ababa a sarita

• God Stealer and Other Short Stories
• Puppy Love and Other Short Stories
• Olvidon and Other Stories
• Platinum: Ten Filipino Stories
• Waywaya: Eleven Filipino Short Stories

Daniw

• Questions

Saan-a-fiksion

• In Search of the Word
• We Filipinos: Our Moral Malaise, Our Heroic Heritage
• Soba, Senbei and Shibuya: A memoir of post-war Japan

[baliwan] Dagiti naawatnan a pammadayaw

• Pammadayaw a Pakalaglagipan ken Ramon Magsaysay iti Panagiwarnak, Literatura ken Arte ti Managpartuat a Komunikasion (1980)
• Pammadayaw a Nailian nga Artista iti Literatura (2001)
• Pablo Neruda Centennial Award (2004)
• Pammadayaw a Palanca