Scepticismo

De Wikipedia, le encyclopedia libere

Traduction de un declaration in le jornal american SKEPTIC per Jan Årmann, Svedia.

Qual es le definition de un skeptico? Alcunos crede que skepticismo es un rejection de nove ideas, o pejor, illes confusa "skeptic" con "cynic" e pensa que skepticos es un collection de negativistas qui vole acceptar nulle defia de status quo. Isto es un idea non correcte. Skepticismo es un approche provisional a defias. Illo es le application del ration a alcun o a tote le ideas – nulle "vaccas sancte" es permittite. In altere parolas: skepticismo es un methodo, non un position. Quando nos audi un pretension phantastic nos dice: Interessante – proba lo!

Skepticismo moderne es incarnate in le methodo scientific que involve collection de datos pro formular e probar explanationes naturalistic de phenomenos natural. Un pretension es factual quando illo es confirmate in tal grado que il es rational de acceptar un accordo temporal. Ma tote le factos de scientia es provisional e subjectos de nove pretensiones e dunque skepticismo es un methodo que duce a conclusiones provisional.Alcun pretensiones, como virgas divinatori (pro trovar p. ex. aqua), ESP* e creationismo** ha essite probate (e ha resistite al probas) tanto frequentemente que nos pote provisionalmente concluder que illos non es valide. Altere pretensiones, como hypnosis, le origine de linguas e foramines nigre("black holes") ha essite probate ma le resultatos non es conclusive e nos debe continuar a formular e probar hypotheses e theorias usque a nos pote arrivar a un conclusion provisional.

Le clave a skepticismo es a continuemente e vigorosemente applicar le methodos scientific pro navigar le strictos inter "saper nihil" e "creder que toto es possibile ". Skeptisismo ha un historia longe e in tempores moderne plure philosophos (philosophia) ha contribuite a illo. Un del plus cognite es Baruch de Spinoza, un altere René Descartes qui post un del plus minutiose purgas del historia intellectual, concludeva que ille sapeva un cosa secur: Cogito ergo sum – Io pensa, ergo io es. Ma le evolution ha nos orientate in un altere direction. Nos ha evolvite in animales que cerca patronos e infere causas, in animales create per le natura pro trovar connexiones significative in le mundo. Le esseres qui poteva facer isto del melior maniera ha potite lassar descendentes. Nos. In altere parolas: esser human es pensar. Pro paraphrasar Descartes: Sum ergo cogito – Io es, proque io pensa.

• Explication:
  • ESP* (de anglese): Extra-sensory Perception, http://en.wikipedia.org/wiki/Extra-sensory_perception, Perception extrasensorial, (PES)
  • Creationismo**: http://en.wikipedia.org/wiki/Creationism, le doctrina que le conto del creation biblic es literalmente ver. (re Genesis).