Pyrrho de Epiro

De Wikipedia, le encyclopedia libere

Pyrrho (318 a.E.C. - 272 a.E.C.) (in grec Πυρρος, "le color de foco, rubie, rubie-blonde") esseva le rege de Epiro de 306 a.E.C. a 301 a.E.C. e ancora de 297 a.E.C. a 272 a.E.C..

Prince de un del statos successor Alexandrin, Pyrrho esseva dis-thronate al etate de 17 quando ille sortiva de su regno pro attender un festa nuptial. De mente astute e vigorose, ille tosto recapturava su regno con le adjuta de reges Ptolemaic de Egypto. Jam al anno 286 a.E.C. ille se disponiva de su fratre-affin e prendeva control del regno de Macedonia, le qual ille, non obstante, perdiva rapidemente.

In le anno 281 a.E.C. le citate grec de Tarento cadeva in problemas con le romanos e un attacco roman esseva imminente. Roma jam se faceva un fortia major, e menaciava subjugar tote le citates grec del Magna Graeca o le sud de Italia. Le tarentinos precava que Pyrrho interveniva e salvava los ab le conquesta roman.

Pyrrho esseva incoragiate pro adjutar le tarentinos per un oraculo de Delphi. Non obstante, su objectivos non esseva integremente altruistic. Ille recognosceva le possibilitate del formation de un imperio pro se mesme in Italia. Ille faceva un alliantia con Ptolemo Cerauno, rege de Macedonia e su vicino le plus forte, e ille entrava Italia con plus de 23.000 soldatos de infanteria, lanciatores a funda, e sagittarios, 3.000 de cavalleria, e 19 elephantes, con le objectivo de domar le romanos.

A causa de su superior cavalleria e su elephantes ille vinceva le romanos al Battalia de Heraclea sub lor consul Publico Valerio Laevino in 281 a.E.C.. Ille tunc offereva un tractato de pace, le qual esseva rejectate per le romanos. Quando Pyrrho invadeva Apulia in 279 a.E.C., le duo exercitos se incontrava in le Battalia de Asculo, ubi Pyrrho ganivav un victoria multo costose.

In le anno 278 a.E.C. ille recipeva duo offertas simultaneemente. Le citates grec in Sicilia le petiva venir e expulsar a Carthago (qui con Roma esseva un del duo grande fortias in le Mediterraneo Occidental de ille ephocha. Al mesme tempore, le Macedonios, cuje rege Cerauno esseva occidite per le gallos, petiva le que ille, Pyrrho, ascendeva al throno de Macedonia. Pyrrho decideva que Sicilia offereva le le plus grande opportunitate, e transferiva su exercito illac.

Pyrrho esseva proclamate rege de Sicilia. Ille jam faceva planos pro su filio Heleno pro hereditar le regno de Sicilia e su altere filio Alexandro pro hereditar le regno de Italia. In le anno 277 a.E.C. Pyrro capta Eryx, fortification del carthaginenses, in Sicilia. Isto incoragiava le resto del citates previemente controllate per Carthago a defectar a Pyrrho.

In le anno 276 a.E.C., Pyrrho negotiava con le carthaginenses. Malgrado lor determination pro pacificar Pyrrho, dar le moneta e inviar le naves quando relationes amicabile sia establite, ille demandava les que Carthago abandonava tote Sicilia e faceva le mar de Libya le frontiera inter le carthaginenses e le grecos. Intertanto, ille habeva comenciate demonstrar comportamento despotic con le grecos sicilian, e tosto lor opinion deveniva infuriate contra ille. Malgrado un altere victoria contra le carthaginenses ille esseva fortiate a retornar a Italia.

Plus tarde, ille esseva vincite in le Battalia de Benevento in le anno 275 a.E.C. in Sicilia, essente triumphate per le disciplina e nove tacticas del roman legiones republican.

Pyrrho abandonava le campania in Italia e retornava a Epiro. Ille attaccava le rege Antigono II Gonatas, ganiante un victoria facile e captava le throno de Macedonia.

In le anno 272 a.E.C., Cleonymo, un spartano de sanguine royal ma odiate in Sparta, demandava Pyrrho attaccar Sparta e poner le in poter. Pyrrho consentiva al plano, con intention de obtiner controllo del Peloponneso pro se mesme, ma incontrava un opposition impreviste que contrariava su assalto a Sparta.

Immediatemente ille recipeva un offerta pro intervenir in un disputa civic in Argos. E quando ille entrava in le citate furtivemente con su armea, ille trovava se in medio de un battalia confuse in le stricte stratas del citate. Durante le confusion, un vetule femina qui observava les, jectava un tegula del tecto e occideva le.

Durante que ille esseva un leader mercurial e soventemente inquite, e anque non sempre un rege sage, ille esseva considerate un del plus grande commandantes militar de su epocha, considerate per Hannibal mesme como le secunde plus importante commandante militar cognoscite per le mundo post Alexandro Magne. Como general militar, le debilitates politic de Pyrrho esseva le fallimento de mantener su objectivo, le fallimento de mantener un tresoreria forte (multe de su soldatos esseva mercenarios costose), e le facto que su stylo macedonian de combatto con le Phalanx non esseva effective contra le nove tacticas disveloppate per le romanos, basate in lor legiones.

Su nomine es famose per le phrase "Victoria pyrrhic" le qual se refere a un dicto post le Battalia de Asculo. In responsa al congratulationes pro obtiner un victoria costose contra le romanos, ille diceva: "Un plus victoria como iste e nos ruinara".