Maximiano
De Wikipedia, le encyclopedia libere
Maximiano Herculio (Marcus Aurelius Valerius Maximianus) esseva imperator roman de 285-305 e de 306-310. Nascite proxime a Sirmium in Panonia, verso le anno 250. Ille serviva initialmente como soldato simple, postea se elevava in le hierarchia pro esser associate al imperio per Diocletiano, de qui ille esseva le companion de armas e le amico. Diocletiano le incargava de tote le governamento del occidente; ille habeva sub su ordines le cesar Constantio, qui controlava in le prefectura del Gallos. Le anno 305, ille abdicava al mesme tempore que Diocletiano; ma reprendeva tosto le poter in 306 con le adjuta de su filio Maxentio, qui mesme anteriormente se faceva declarar augusto. Quando Maximiano voleva, in 307, destituer su filio Maxentio, su truppas se rebellava contra ille. Ille esseva obligate a refugiar se in Gallia, apud Constantino, qui habeva sposate su filia Fausta. Tosto, traiente tamben su genero, ille voleva facer assassinar le. Le conspiration esseva discoperite e Maximien se videva reducite a strangular se. Ille periva in Marsilia in 310. Maximien habeva facite construer le villa roman del Casale in Sicilia.
