Wikipedia:Le cinque pilares
De Wikipedia, le encyclopedia libere
Lo que es monstrate hic deberea esser sequite semper, per tote le communitate. Per favor, non modifica iste politicas arbitrariemente. In vice, propone cambios e cerca consenso.
Le politicas e directivas official de Wikipedia pote esser resumite in cinque pilares que describe le projecto:
Wikipedia es un encyclopedia, que incorpora elementos de encyclopedias general, encyclopedias specialisate e almanacs. Necun articulo debe includer investigationes original. Tote le articulos debe haber exactitude verificabile: le material sin referentias poterea esser eliminate; tunc, per favor da referentias a publicationes recognoscite. Wikipedia non es un sito pro emitter opiniones, experientias o argumentos. Wikipedia non es censurate. Wikipedia non es un collection indiscriminate de information e datos. Wikipedia non es un sito pro facer publicitate e autopromotion, ni un experimento de anarchia o democratia, ni un adressario web. Illo non es un periodico o un fonte de documentos; iste sorta de contento debe esser contribuite al altere projectos fratre de Wikimedia. | |
Wikipedia ha un puncto de vista neutral, isto significa que non debe cercarse solmente un puncto de vista. Pro facer isto, a vices il es necessari representar varie punctos de vista, presentante cata un con exactitude, dante un contexto pro cata puncto de vista, e non presentante necun puncto de vista como "le veritate" o "le melior puncto de vista". Isto significa que on debe citar fontes verificabile, specialmente super topicos polemic. Quando un conflicto super le neutralitate sia producite, il debe esser discutite in le pagina de discussion del articulo usque le conflicto sia resolvite. | |
Wikipedia es contento libere que qualcuno pote editar. Tote le texto es disponibile sub le licentia GNU pro documentation libere (GFDL) e pote esser distribuite o ligate appropiatemente. Il es recognoscite que le articulos pote esser modificate per qualcuno, e necuno pote controlar articulos specific. Per iste ration, qualcun contribution pote esser editate e redistribuite per le communitate. Non infringe le derectos de autor o contribue con travalios con un licentia incompatibile con le GFDL. | |
Wikipedia ha regulas de conducta: Respecta tote le wikipedistas, etiam quando tu non es de accordo con illos. Ha civilitate. Evita conflictos de interesse, attaccos personal o generalisationes. Cerca consenso, evita guerras de editiones; rememora que il ha multe articulos pro crear, editar e meliorar. Age bona fide, nunquam sabota Wikipedia pro soportar tu argumentos. Assume bona fide pro le actiones del alteres. Sia aperte, inclusive e da le benvenita al nove usatores. | |
Wikipedia non ha regulas firme foras del cinque pricipios presentate hic. Sia valente editante articulos. Ben que nos cerca facer lo le melior possibile, il non es necessari le perfection. Non te preoccupa si tu committe un error. Tote le versiones del articulos es conservate in le historia del articulo; tunc, il non es possibile que tu damnifica accidentalmente Wikipedia, o que tu destrue contento irremediabilemente. Rememora: tote lo que tu scripe hic essera conservate pro le posteritate. |