Enrico Fermi
De Wikipedia, le encyclopedia libere
Enrico Fermi (nascite in Roma le 29 de septembre 1901, morite in Chicago, Illinois, SUA le 28 de novembre 1954) esseva un physico italian multo cognoscite pro su travalio super le decadimento del radio β, per le realisation del prime pila atomic e per le disveloppamento del theoria quantic.
Fermi ha guidate le construction del prime pila atomic, que produceva le prime reaction nuclear in catena controllate. Ille ha essite, de altere parte, un del plus grande conductores del Projecto Manhattan, que ha portate al realisation del bomba atomic.
Le elemento fermium e le statistica de Fermi-Dirac, connexe al particula de spin semi-integre, porta su nomine, ben que iste ultime ha essite deducite in maniera formalmente plus rigorose per le physico anglese Paul Adrien Maurice Dirac. Le "Recognoscentia presidential statounitese Enrico Fermi" ha essite stabilite in 1956 in memoria de su successos e de su stato de grande homine de scientia. Le Departimento del Universitate de Chicago ubi ille soleva laborar es nunc cognoscite como Le Instituto Enrico Fermi, e tamben le acelerator Fermilab porta su nomine. In 1938, Fermi obtene le Premo Nobel de Physica pro su identification de nove elementos del radioactivitate e le discoperta del reaction nucleari per medio de neutrones lente.
Ille es cognoscite tamben pro haber formulate le famose question: "Ubi es illes? Proque nos non ha vidite alcun signal de intelligente vita extraterrestre?" Isto ha originate alora le famose paradoxo de Fermi, super le possibilitate del existentia de civilisationes extraterrestre.
