Deriva genetic
De Wikipedia, le encyclopedia libere
Le deriva genetic, es un fortia evolutive que actua insimul con le selection natural cambiante le characteristicas del species in le tempore
Como le selection, actua super le populationes alternante le frequentia del allelos e le predominantia del characteres super le membros de un population, e cambiante le diversitate del gruppo.
Le effectos del deriva genetic se accentua in populationes de parve talia e resulta in cambios que no es necessarimente adaptive.
Se tracta de un cambio aleatori in le frequentia del allelos de un genetarion a altere. Normalmente se da un pertita del allelos minus frequentes, resultante un disminution in le diversitate genotypic del population.
Assi illo es le modification del frequentia del allelos in un population, independentemente del mutationes, selectiones, migrationes.
Le pertita o le ganio de un allelo se face al hazardo, concretemente, cata individuo que se reproduce transmittente le medietate de su patrimonio genetic a su descendentia.
In un parve population, il es statisticamente inevitabile que certe allelos non sia transmittite per alicun adulto a lor descendentia.
De plus, certe individuos non ha nulle descendentia Le numero de alllelos (le variabilitate genetic) alora se reduce. Inter le allelos "supervivente", alicun va a haber lor frequentia original disminuer o al contrario augmentar.
Le deriva genetic pote ser natural. Illo appare super omne in le sino de un population de parve talia, per exemple un population isolate in un insula. Mais illo pote etiam ser causate per le homine, in un gruppo de limitate de animales que ille ha domesticate.
Le deriva genetic es un de vias de speciation del species (apparition de nove species), al minus a longe termino.
