Արմեն Աշոտյան

Վիքիփեդիայից՝ ազատ հանրագիտարանից

Արմեն Աշոտյան
ԱԺ պատգամավոր, ՀՀԿ անդամ
Ծննդյան օր՝	հուլիս 25, 1975թ.
Ծննդավայր՝	Երևան, ՀԽՍՀ

Արմեն Գևորգի Աշոտյանը, (ծնված հուլիս 25, 1975թ., Երևան) հայ քաղաքական և հասարակական գործիչ է, ՀՀ ԱԺ պատգամավոր, Հայաստանի Հանրապետական Կուսակցության խորհրդի անդամ.

Բովանդակություն 1 Կրթությունը 2 Հասարակական գործունեությունը 3 Քաղաքական գործունեությունը 4 Ստեղծագործական գործունեությունը 5 Այլ տվյալներ 6 Քննադատությունը 7 Արտաքին հղումներ

[խմբագրել] Կրթությունը

• 1992թ. ոսկե մեդալով ավարտել է Երևանի թիվ 45 միջնակարգ դպրոցը:
• 1998թ. գերազանցությամբ ավարտել է Երևանի պետական բժշկական համալսարանի բուժական ֆակուլտետը:
• 1999-2000 թ. սովորել է AIX MARSEILLE II համալսարանում (Ֆրանսիա)
• 2000թ. գերազանցությամբ ավարտել է ԵՊԲՀ կլինիկական օրդինատուրան «դատական բժշկություն» մասնագիտությամբ:
• 2003թ. ավարտել է ԵՊԲՀ կենսաքիմիայի ամբիոնի ասպիրանտուրան: 2003-2006թթ. աշխատել է կենսաքիմայի ամբիոնում որպես ասիստենտ, 2006-ից սկսած` որպես դոցենտ:
• 2005թ. ավարտել է ԵԽ առընթեր Մոսկվայի քաղաքական հետազոտությունների դպրոցը:
• 2007թ. գերազանցությամբ ավարտել է Միջազգային հարաբերությունների Մոսկվայի պետական ինստիտուտի (МГИМО)"Գլոբալ գործընթացների կառավարում" ծրագիրը:

[խմբագրել] Հասարակական գործունեությունը

Դպրոցական տարիներից սկսած Ա. Աշոտյանն աչքի է ընկել աշխատասիրությամբ, կազմակերպչական ունակություններով և լիդերի հատկանիշներով: 1996թ. նա դարձել է ԵՊԲՀ ուսանողական խորհրդարանի (ՈՒԽ) անդամ, 1997թ.` ՈՒԽ ուսումնամեթոդական հանձնաժողովի նախագահ` մեծապես նպաստելով հանձնաժողովի աշխատանքների աշխուժացմանն ու աշխատանքային ծրագրերի արդյունավետ իրականացմանը: 1998թ. ընտրվել է ուսանողական խորհրդարանի փոխնախագահ, իսկ 1999թ.` նախագահ` ղեկավարելով այն մինչ 2004թ.: 2002-2005 թթ. աշխատել է որպես ուսանողության հետ աշխատանքների գծով ԵՊԲՀ ռեկտորի օգնական: 2005թ. սկսած հանդիսանում է ԵՊԲՀ ռեկտորի խորհրդական: Վայելելով բուհի ադմինիստրացիայի և ուսանողության հարգանքը, վարելով հմուտ կադրային քաղաքականություն երիտասարդության շրջանում և անմիջականորեն վերահսկելով խորհրդարանի բոլոր ենթակառույցների գործունեությունը` Աշոտյանը կարողացավ ուսանողական խորհրդարանը դարձնել կազմակերպվածության խիստ բարձր մակարդակով ուսանողական ինքնակառավարման հզոր մարմին, իր տեսակի մեջ առաջին հաջողված կառույցը Հայաստանի երրորդ հանրապետության օրոք:

[խմբագրել] Քաղաքական գործունեությունը

2002 թ. ի վեր Ա. Աշոտյանը հանդիսանում է Հայաստանի Հանրապետական Կուսակցության անդամ: 2003-2005թ. նա եղել է ՀՀԿ երիտասարարդական կազմակերպության նախագահ: 2005 - 2007 թթ. ՀՀ Ազգային Ժողովի երրորդ գումարման պատգամավոր է, Սոցիալական, առողջապահության և բնության պահպանության հարցերի մշտական հանձնաժողովի, ՀՀԿ պատգամավորական խմբակցության անդամ: 2005 թ. ընտրվել է ՀՀԿ խորհրդի անդամ: 2007 թ. ՀՀԿ համամասնական ցուցակով ընտրվել է ՀՀ Ազգային Ժողովի չորրորդ գումարման պատգամավոր, եվրաինտեգրման հարցերով մշտական հանձնաժողովի անդամ

[խմբագրել] Ստեղծագործական գործունեությունը

Ա. Աշոտյանը ԵՊԲՀ ուսանողական խորհդարանում նախագահության տարիներին միշտ իր վրա էր վերցնում մշակութային միջոցառումների գլխավոր ռեժիսորի դերը, մասնակցում սցենարների ստեղծմանն ու պարային համարների բեմադրմանը: 2004թ. լույս տեսավ Աշոտյանի բանաստեղծությունների անդրանիկ ժողովածուն:

[խմբագրել] Այլ տվյալներ

• բժշկական գիտությունների թեկնածու է, ունի երկու տասնյակ գիտական աշխատանքներ
• ամուսնացած է բժշկուհի-ներզատաբան, ԵՊԲՀ ՈՒԽ բուժական ֆակուլտետի և լրատվության հանձնաժողովի նախկին նախագահ Լուսինե Նավասարդյանի հետ, ունի մեկ որդի
• ընկերներից շատերը ԵՊԲՀ շրջանավարտներ են կամ տարբեր ուսանողական ինքնակառավարման մարմինների նախկին ղեկավար անդամներ
• ազատ խոսում է ռուսերեն, ֆրանսերեն և անգլերեն լեզուներով
• սիրում է 80-ականների դիսկո, ֆրանսիական և վրացական երաժշտություն, ջազ
• երկար տարիներ հանդիսացել է Երևանի գիտակներևի ակումբի անդամ, խաղացել է տարբեր թիմերում, այդ թվում Շ. Գրիգորյանի թիմում /Գյումրի/, որի կազմում եղել է ԲՌԵՅՆ ՌԻՆԳԻ ԱՊՀ բարձրահույն լիգայի անդամ:

[խմբագրել] Քննադատությունը

• Քաղաքական շրջանակներում Ա. Աշոտյանին քննադատում են էմոցիոնալ ելույթների և ընդդիմադիր դաշտի ներկայացուցիչների հասցեին վիրավորական արտահայտություններ թույլ տալու համար: Սակայն պետք է նշել, որ վերջին ժամանակահատվածում ցուցաբերում է քաղաքական լուրջ հասունություն և առաջընթաց, հետաքրքրող հարցերի շրջանակը` մարդու իրավունքներ, ժողովրդավարություն, տարածաշրջան, աշխարհքաղաքական զարգացումներ, միջազգային հարաբերություններ:
• Շատերը Աշոտյանին համարում են ուսանողական ինքնակառավարման մարմինների քաղաքականացման գործընթացի գլխավոր իրագործողներից մեկը. ԵՊԲՀ ուսանողական խորհրդարանում և ՀՀԿ երիտասարդական կազմակերպությունում Աշոտյանի նախագահության տարիներին ԵՊԲՀ և այլ բուհերի ուսանողական խորհդարանների մեծ թվով անդամներ սկսեցին զանգվածաբար համալրել ՀՀԿ շարքերը, ինչի արդյունքում այդ կառույցները վերածվեցին իշխող կուսակցության ձեռքում հլու լծակների:

[խմբագրել] Արտաքին հղումներ

• Ա. Աշոտյանի էջը ՀՀԿ կայքում