Armenšćina
Z Wikipedije, swobodneje encyklopedije
Hajeren lesu |
||
kraje | Armenska, Ruska, Francoska, USA a 27 dalšich krajow |
|
rěčnicy | 6,7 milionow | |
klasifikacija | indoeuropske rěče
|
|
družina pisma | Armenski alfabet | |
oficielny status | ||
---|---|---|
hamtska rěč | Armenska, Republika Bergkarabach (wuchodna armenšćina) |
|
rěčne kody | ||
ISO 639-1: |
hy |
|
ISO 639-2: | (B) arm | (T) hye |
ISO 639-3 (SIL): | ||
Wikipedija | ||
Armenšćina je indoeuropska rěč, kotraž so rěči w Armenskej. Armensce rěči něhdźe 6,7 mil. ludźi. Armenšćina so wužiwa nimo w Armenskej tež w Azerbajdźanje, na Cypriskej, w Iranje, Iraku, Israelu, Jordaniskej, Libanonje, Turkowskej a Syriskej. Armenšćina je rěč armenskeho naroda. Wjele Armenjanow je dźensa w diasporje žiwych. Armenšćina drje eksistuje znajmjeńša wot 6. lětstotka př. Kr., prěnje dokumenty w klasiskej rěči (grabar) pak pochadźeja hakle z časa po zawjedźenju armenskeho pisma na zachopjenku 5. lětstotka přez Mesropa Maštoce. Z grabara, kotryž so dźensa wužiwa jako cyrkwinska a liturgiska rěč armenskich křesćanow, je w běhu lětstotkow nastała tak mjenowana „laiska“ rěč (ašxarhabar).
[wobdźěłać] Dźensnišej dialektaj
Moderna armenšćina ma zakładnej warianće.
- zapadnu armenšćinu, kiž so dźensa hłownje hišće w diasporje wužiwa
- wuchodnu armenšćinu, kotraž je oficialna rěč Armenskeje republiki a kiž so zdźěla tež w Iranje a w dźělach prjedawšeho Sowjetskeho zwjazka rěči.
[wobdźěłać] Gramatika
Armenšćina ma dwaj numerusaj, ale nima žadyn genus.