Yohana Cobo

Na Galipedia, a wikipedia en galego.

Yohana Cobo é unha actriz española nada en Madrid o 12 de xaneiro de 1985.

Pese á súa xuventude e de que salta á fama en 2006 a raíz do seu papel en Volver, ás ordes de Pedro Almodóvar, Yohana Cobo é unha actriz de grande experiencia. Comezou a traballar de nena, participando con papeis episódicos na maioría das series españolas dos 90. O seu primeiro fixo, aínda que secundario, foi en Hermanas, serie emitida por Telecinco en 1998, da que se rodaron dúas temporadas e na que traballou con actrices como Pilar Bardem, Ángela Molina, Chus Lampreave ou Anabel Alonso entre outras.

En cine, e previamente a Volver, destaca a súa participación en Sin noticias de Dios, ás ordes de Agustín Díaz Llanes en 2001, onde xa coincidira con Penélope Cruz, que interpreta á súa nai na cinta de Almodóvar. Tamén participou en La vida mancha (2003), de Enrique Urbizu, xunto a José Coronado ou en El séptimo día (2004), de Carlos Saura entre outras.

Índice

1 Filmografía
- 1.1 Películas
- 1.2 Series de TV
2 Premios
3 Ligazóns externas

[editar] Filmografía

[editar] Películas

2006 - Arena en los bolsillos, de César Martínez Herrada. Como Jeny.
2006 - Volver, de Pedro Almodóvar. Como Paula.
2005 - Fin de curso, de Miguel Martí. Como Noa.
2005 - Las llaves de la independencia (2005), de Carlos Gil. Como Teresita.
2004 - Seres queridos, de Dominic Harari e Teresa Pelegri.
2004 - El séptimo día, de Carlos Saura. Como Isabel.
2003 - La vida mancha, de Enrique Urbizu. Como Sara.
2001 - Sin noticias de Dios, de Agustín Díaz Llanes
2000 - Aunque tú no lo sepas, de Juan Vicente Córdoba. Como Ana.
1997 - Campeones, de Antonio Conesa.

[editar] Series de TV

El Comisario(2005) Telecinco.
Código fuego (2003) Antena 3) Como Almudena.
Hospital Central (2002) Telecinco. Como Sonia.
Javier ya no vive sólo (2002) Telecinco.
Hermanas (1998-1999) Telecinco. Como Blanca.
Querido Maestro (1997) Telecinco. Como Cristina.
Canguros (1995). Antena 3. Como Paula.
Ay, señor, señor (1995). Antena 3. Como Azucena.

[editar] Premios

Festival de Cannes
2006: Premio á mellor interpretación feminina (en conxunto co resto de actrices de Volver)
Premios do Círculo de Escritores Cinematográficos
2006: Premio á mellor actriz revelación.