Pato rabilongo
Na Galipedia, a wikipedia en galego.
Pato rabilongo | ||||||||||||
---|---|---|---|---|---|---|---|---|---|---|---|---|
Estado de conservación | ||||||||||||
|
||||||||||||
Clasificación científica | ||||||||||||
|
||||||||||||
Nome científico | ||||||||||||
Anas acuta | ||||||||||||
Coñeza toda a Bioloxía en Wikispecies, o directorio dos seres vivos |
O pato rabilongo (Anas acuta) é unha ave de familia das anatidas (Anatidae) de distribución moi ampla
Índice |
[editar] Descrición
É un parrulo relativamente grande. Os machos miden entre 65 e 75 cm., as femias entre 50 e 55. Pesan entre 700 e 1200 g. As alas teñen unha envergadura de ata 85 cm. A cola, que lle da o seu nome á especie, é longa e en forma de punta. Nos machos pode medir 10 cm. Teñen os ollos negros e o bico e as patas grises. Na época reprodutora o macho é inconfundible: ten o corpo gris pálido, o peito branco, a cabeza negra e o pescozo branco. As femias teñen a cola máis curta, coa gorxa branca. A plumaxe ten debuxos sobre un fondo marrón. Diferénciase das femias doutras especies de parrulos polo pescozo longo e o peteiro longo e gris. Fora da época de cría a plumaxe de femias e machos é semellante.
[editar] Distribución
Cría no hemisferio norte: norte de Europa e Asia, Canadá, Alasca e no Medio Oeste dos Estados Unidos É unha ave migratoria, que pasa o inverno en zonas ben ó sur da súa área de cría, chegando ata o Ecuador. Na época invernal é moi gregario e forma bandadas mesturado con outras especies.
É un parrulo de zonas húmidas abertas, como praderías húmidas e a tundra. Aliméntase principalmente de plantas, pero durante a estación de reprodutora come tamén insectos acuáticos, moluscos e crustáceos. Ás veces come plantas e sementes en campos cultivados.
[editar] Reprodución
A época de cría vai de abril a xullo. Maduran sexualmente ó ano de idade. Durante o cortexo non son raras as persecucións aéreas, nas que varios machos acosan unha femia. O seu niño, que constrúe a femia, é unha depresión non moi fonda no chan, ben agachada na vexetación, rodeada de plantas e cuberta de plumas interiores do parrulo. Fano en sitios enxoitos, en ocasións non moi preto na auga. Poñen de seis a doce ovos duns cinco cm. de longo, de cor, en xeral verde clara. Chócanos unhas tres semanas. Os polos poden voar cando teñen sete semanas.
[editar] Taxonomía
O seu vello nome científico era Dafila acuta. A especie Anas eatoni, con dúas subespecies: A. eatoni eatoni (das illas Kerguelen, e A. e. drygalskyi da illa de Crozet, foron consideradas antigamente subespecies do pato rabilongo. Nesta especie os machos non desenrolan completamente a plumaxe de gala.
[editar] Ameazas
Os perigos meirandes para a súa subsistencia son as enfermidades e a perda dos espazos húmidos causada pola urbanización, a polución e as plantas invasoras. ë unha das especies incluídas no "Acordo para a conservación das aves acuáticas migradoras de África e Eurasia"(AEWA).