Isabel Blanco
Na Galipedia, a wikipedia en galego.
Isabel Blanco Picallo é unha actriz galega, nada en Berna (Suíza) en 1971.
A súa carreira comeza a mediados dos 90. Foi presentadora do programa da TVG A repanocha, pero a sona chegaríalle co papel de María Ares na serie Mareas vivas, da que principou a se-la protagonista canda Luis Tosar e da que rodou máis de 150 capítulos entre 1998 e [2003].
Máis tarde participaría noutras producións para a TVG coma Rías Baixas ou Avenida de América, ademais doutra de ámbito estatal, Nada es para siempre, que emitiu Antena 3.
En cine destacan os seus traballos en A ti como se che di adeus? (1999), curtametraxe de Jorge Coira, Autopsia (2002), de Milagros Bará, O lapis do carpinteiro (2003), de Antón Reixa, Rosas (2005), curtametraxe de Mikel Fuentes e, recentemente, Un franco, 14 pesetas (2006), de Carlos Iglesias.
Ademais, foi vicepresidenta da Academia Galega do Audiovisual e delegada de Galicia para AISGE (Actores e Intérpretes, Sociedad de Gestión).
Índice |
[editar] Filmografía
[editar] Como actriz
[editar] Cine
- ¿A ti como se che di adeus? (1999), de Jorge Coira. Como Noiva.
- Autopsia (2002), de Milagros Bará. Como Amanda.
- O lapis do carpinteiro (2003), de Antón Reixa.
- Rosas (2005), de Mikel Fuentes.
- Un franco, 14 pesetas (2006), de Carlos Iglesias. Como Hannah.
- Cicatrices (2006), de Jairo Iglesias. Como Elena.
- Vida de familia (2007), de Llorenç Soler. Como Nuria.
- Si te vira teu pai (2007), de Héctor Carré.
- Ó limia,El rio del olvido (2008) cortometraje. Como Carmiña.
[editar] Televisión
- Mareas vivas (1998-2002). Como María Ares.
- Nada es para siempre (1999-2000). Como Irene.
- Rías Baixas (2000)
- Avenida de América (2002)
- Manolo y Benito Corporeision (2007). Como Rosi.
- Efectos secundarios (2007). Como Alicia.
[editar] Como presentadora
- A Repanocha (1997)
- O rei da comedia (2002)
- As viaxeiras da lúa (2003)
