Iceberg
Na Galipedia, a wikipedia en galego.
Un iceberg ou témpano de xeo é unha illa de xeo procedente da fragmentación de xeo polar, que sempre procede dos continentes e que é arrastrada cara a latitudes máis baixas, ás veces axudadas polas correntes mariñas frías de orixe ártica, como é o caso da Corrente do Labrador ou de Groenlandia. Dun iceberg sobresae da auga só unha oitava parte o seu volume total, polo que estas masas xélidas constitúen un perigo para a navegación, xa que poden acadar dimensións enormes.
Índice |
[editar] Orixe
O xeo que forma os icebergs está formado por auga salgada ao contrario do que se adoita pensar, xa que se cre que o sal é un anticonxelante, pero non é asi é só un retardador da conxelacion e fai que a auga se conxele a uns -1 graos celsius(por iso se esparce en estradas), aínda que o sal sexa un bo retardador da conxgelacion non serve de nada contra os -20 graos celsius que se dan no artico e o antartico. Os icebergs proceden dos glaciares que chegan á costa e rompen en grandes bloques que son despois arrastrados polas correntes, a miúdo ata latitudes bastante baixas. O exemplo máis coñecido é que o afundimento do Titanic, produciuse cando xa se atopaba preto das costas de Nova Inglaterra debido a que a Corrente do Labrador adoita arrastrar os icebergs ata as latitudes dos Bancos de Terranova e aínda máis baixas, ata o punto de encontro coa Corrente do Golfo. Se observamos nun mapa o límite sur dos xeos flotantes no Atlántico Norte poderemos comprobar que presenta unha indentación cara ao sur xunto a América do Norte e outra cara ao norte xunto ás costas europeas.En outubro de 1999, un iceberg do tamaño de Londres desprendeuse da barreira de xeo Antártica.
Estas illas de xeo existen grazas a unha propiedade notable da auga: na súa forma sólida, ten menor densidade que en estado líquido. Se non fose este o caso, o xeo acumularíase no fondo dos océanos e non nas súas superficies.
Tamén o xeo é unha excepción no mundo dos elementos, e débese a que a molécula da auga (H2O), está polarizada eléctricamente - O átomo de osíxeno atrae máis aos electróns que os átomos de hidróxeno - o que impón ao xeo unha estrutura de tipo cristalino (polo xogo da atracción e da repulsión eléctrica) que ten menos densidade que se fose un sólido amorfo.
O afundimento máis famoso debido a unha colisión cun iceberg foi a destrución do Titanic o 14 de abril de 1912.
[editar] Etimoloxía
Este termo é unha palabra composta, na que berg significa montaña en varias linguas xermánicas (salvo o inglés) e a palabra ice (xeo) que procede do inglés (tamén eis en alemán, ijs en holandés, etc., son palabras que se pronuncian todas /ais/ e tamén significan xeo). Un iceberg é polo tanto unha montaña de xeo.
