Historia do Exipto
Na Galipedia, a wikipedia en galego.
A historia de Exipto coñécese de maneira practicamente ininterrumpida desde hai máis de 5000 anos, o que fai dela a de maior duración da humanidade.
|
Serie de artigos sobre a
|
| Historia do Exipto |
 |
| Historia do Exipto Antigo |
| O Exipto greco-romano |
| O Exipto árabe |
| O Exipto otomano |
| Muhammad Alí e os seus sucesores |
| Historia do Exipto contemporáneo |
[editar] Antigo Exipto
- Artigo principal: Historia do Exipto Antigo
Os primeiros tempos históricos son os do Exipto faraónico, unha civilización formada a finais do IV Milenio, no final do Neolítico, arredor do cultivo que permitían as crecidas periódicas do Nilo. Esta é a civilización que construíu as pirámides.
[editar] Período greco-romano
- Artigo principal: Historia do Exipto greco-romano
O declinio deste imperio a partir do I Milenio permitiu que fose conquistado por potencias estranxeiras e, finalmente polos gregos no 332 a.C. e polos romanos no 30 a.C. No Exipto dos primeiros séculos da Era Cristiá fermentaron algúns movementos decisivos no futuro do cristianismo, como o eremitismo, e a súa teoloxía desenvolveuse profundamente desde Alexandría.
[editar] Conquista árabe
- Artigo principal: Historia do Exipto árabe até o Imperio Otomano
Coa conquista de Exipto polos árabes en 641, deuse outra mudanza substancial, xa que pasou a facer integral parte do mundo árabe. Pertenceu a sucesivos califatos e dinastías de diversas orixes até ser conquistado polos otomanos en 1517.
[editar] Imperio Otomano
- Artigo principal: Historia do Exipto otomano
Exipto resultou sempre unha provincia difícil de controlar e estivo baixo o control dos semi-autónomos mamelucos até ser conquistada polos franceses en 1798.
[editar] Muhammad Alí e os seus sucesores
- Artigo principal: Historia do Exipto baixo Muhammad Alí e os seus sucesores
Muhammad Alí modernizou Exipto e elevouno á categoría de potencia rexional, o que lle permitiu funcional de maneira moi autónoma dentro do Imperio Otomano. Os gobernantes que o seguiron avanzaron na modernización mais levaron ao país á bancarrota, permitindo así a intervención do Reino Unido.
[editar] O Exipto contemporáneo
- Artigo principal: Historia do Exipto contemporáneo
Entre 1882 e 1992, Exipto foi unha colonia do Imperio Británico. Nesta data concedéuselle a independencia, que non foi efectiva (coa retirada das tropas británicas) até 1952, cando os "oficiais libres", liderados por Gamal Abdel Nasser, destronaron ao rei Farouk.
[editar] Véxase tamén
- Lista de faraóns
- Mitoloxía Exípcia
[editar] Ligazóns externas
A Civilización Exipcia - O Exipto Antigo
