Gran Premio de Alemaña
Na Galipedia, a wikipedia en galego.
O Circuíto de Hockenheim (ou Hockenheimring en alemán) é o autódromo localizado nas cercanías de Hockenheim, Alemaña, que alberga anualmente o Gran Premio de Alemaña de Fórmula 1, entre outros eventos.
O trazado orixinal do circuíto destacábase por ser un dos máis largos da tempada de Fórmula 1, cun sector rápido que consistía en catro rectas de aproximadamente un quilómetro, cortadas por tres chicanes lentas que permitían numerosos sobrepasos, que percorrían un bosque. A zona de tribunas, denominado "Motordrom", compensaba o resto do trazado con curvas trabadas. Este circuíto presentáballe un desafío importante aos técnicos a hora da posta a punto dos monoprazas para a carreira, posto que se debía optar entre una configuración con aleróns pouco inclinados e a suspensión dura para maximizar a velocidade final nas rectas, pero á vez comprometendo a adherencia do coche na zona do estadio, ou viceversa.
Para a edición do 2002, o circuíto foi redeseñado polo arquitecto alemán Hermann Tilke. A sección do estadio mantívose, pero o trazado foi acurtado, ao substituírse o sector de longas rectas dos bosques por una serie de curvas máis pechadas. Como na maioría dos redeseños realizados por Tilke a petición do dono da Fórmula 1, Bernie Ecclestone, varios pilotos e siareiros criticaron duramente a eliminación das rectas.
