Djerba
Na Galipedia, a wikipedia en galego.
Djerba ou Jerba ou Yerba ((جربة en árabe) é unha illa do norte de África pertencente a Tunisia, de 514 km² de superficie. Está situada no golfo de Gabes, fronte ás costas dese país norteafricano. Trátase da maior illa do norte de África. A súa cidade máis importante é Houm Souk -Souk significa zoco ou mercado-, destino turístico que conta con ruínas da dinastía aglabí. Unha cantidade non despreciable de turistas, chegan a Djerba por ser o escenario da rodaxe de Star Wars, concretamente do desértico planeta Tatooine, niño de piratas e contrabandistas.