Denominación de orixe

Na Galipedia, a wikipedia en galego.

Denominación de orixe (D.O. ou D.O.C., en Francia Appellation d'Orixine Contrôlée, AOC) é un tipo de indicación xeográfica aplicada a un produto agrícola ou alimenticio cuxa calidade ou características débense fundamental e exclusivamente ao medio xeográfico no que se produce, transforma e elabora.

Noutras palabras, é unha cualificación que se emprega para protexer legalmente certos alimentos que se producen nunha zona determinada, contra produtores doutras zonas que quixesen aproveitar o bo nome que crearon os orixinais, nun longo tempo de elaboración ou cultivo.

Os produtores que se acollen á denominación de orixe, comprométense a manter a calidade o máis alta posible e a manter tamén certos usos tradicionais na produción, por exemplo, no caso do viño, en certas zonas esíxese utilizar a uva tradicional da zona. Así mesmo, adoita existir un organismo público regulador da denominación de orixe, que autoriza exhibir o distintivo aos produtores da zona que cumpren as regras.

A ventaxe fundamental da denominación de orixe é que garante ao consumidor un nivel de calidade máis ou menos constante e unhas características específicas. A cambio, os produtores obteñen unha protección legal contra a produción ou elaboración de tales produtos noutras zonas, aínda que se utilicen os mesmos ingredientes e procedementos, que lles permite influír sobre o prezo final destes. Tamén se sinala que esta figura fomenta a organización do sector produtivo e facilita o acceso de produtores a mercados nacionais e internacionais.

Na actualidade existen 27 produtos galegos clasificados como denominación de orixe protexida. Este rango de protección abrangue todo tipo de produtos representativos da gastronomía galega que van dende os queixos aos mexillóns, pasando polos viños os licores, a carne, o pan e ata os grelos^[1].

Índice 1 Denominacións de orixe galegas 1.1 Bebidas espirituosas 1.2 Carnes frescas 1.3 Queixos e Manteigas 1.4 Embutidos e outros produtos cárnicos 1.5 Hortalizas 1.6 Legumes 1.7 Meles 1.8 Peixes, moluscos e crustáceos 1.9 Produtos de panadería, pastelería e repostería 1.10 Viños con denominación (V.C.P.R.D.) 1.11 Viños da terra 2 Referencias

[editar] Denominacións de orixe galegas

[editar] Bebidas espirituosas

• Augardente de herbas de Galicia
• Licor café de Galicia
• Licor de herbas de Galicia
• Oruxo de Galicia

[editar] Carnes frescas

Ver artigo principal: Carne.

• Ternera gallega^[2]

[editar] Queixos e Manteigas

Artigos principais: Queixo e Manteiga

• Queixo de Arzúa-Ulloa^[3][4]
• Queixo do Cebreiro^[5][6]
• Queixo de Tetilla^[7][8]
• Queixo de San Simón da Costa^[9][10]

[editar] Embutidos e outros produtos cárnicos

Ver artigo principal: Embutido.

• Lacón gallego^[11]

[editar] Hortalizas

Ver artigo principal: Hortaliza.

• Grelos de Galicia^[12]
• Pataca de Galicia^[13][14]
• Pemento de Arnoia^[15]
• Pemento de Herbón^[16]
• Pemento do Couto^[17]
• Pemento de Oimbra^[18][19]

[editar] Legumes

Ver artigo principal: Legumes.

• Faba de Lourenzá^[20][21]

[editar] Meles

Ver artigo principal: Mel.

• Mel de Galicia^[22][23]

[editar] Peixes, moluscos e crustáceos

Artigos principais: Peixe, molusco, crustáceo

• Mexillón de Galicia^[24][25]

[editar] Produtos de panadería, pastelería e repostería

Ver artigo principal: Pan.

• Pan de Cea^[26][27]

[editar] Viños con denominación (V.C.P.R.D.)

Ver artigo principal: Viño.

• Monterrei^[28][29]
• Rías Baixas^[30][31]
• Ribeira Sacra^[32][33]
• Ribeiro^[34][35]
• Valdeorras^[36]

[editar] Viños da terra

• Barbanza e Iria^[37]
• Betanzos^[38]
• Val do Miño-Ourense^[39]

[editar] Referencias