Centro Dramático Galego
Na Galipedia, a wikipedia en galego.
O Centro Dramático Galego (CDG) é a unidade do Instituto Galego das Artes Escénicas e Musicais que ten por obxectivo producir e distribuír espectáculos teatrais en lingua galega, coa pretensión de normalizar a lingua no ámbito do teatro.
Adscrito á Xunta de Galicia, a súa actividade dá comezo en 1984, data desde a que se estrearon un total de 68 producións e coproducións, o que supón unha media de tres anuais.