Campolongo, Pontevedra

Na Galipedia, a wikipedia en galego.

San Xosé de Campolongo
igrexa parroquial
Concello:	Pontevedra
Poboación:	n/d
Superficie:	n/d
Densidade:	n/d
Altitude:	n/d
Entidade(s):	3

San Xosé de Campolongo é unha parroquia urbana do concello de Pontevedra. Consta de tres barrios: Mollabao, Campolongo e San Brais.

Campolongo atópase no sur-suroeste do casco urbano de Pontevedra. Está limitado ao norte pola Avenida de Augusto García Sánchez e polo río dos Gafos. Ao sur pola autovía PO-10. Ao leste pola Rúa do Alcalde Hevia. E ao oeste pola Avenida de Marín.

Albergaba ata os anos 50 o Pazo de Campolongo, situado onde hoxe se atopa a rúa Iglesias Vilarelle, tiña grandes campos e alí xogaban os nenos ao fútbol. Entón Francisco Franco mandou trasladalo pedra a pedra cara a Casa de Campo (Madrid)

Ata a década de 1950 o barrio albergaba a estación de ferrocarril da cidade onde hoxe está a Praza de Galiza. Ó mudarse esta, e coa construción do Complexo Militar de Pontevedra neste barrio, impulsouse a construcción do Polígono de Campolongo cun parque central, a igrexa de San Xosé e o C.E.I.P. de Campolongo. Hoxe, o sur da parroquia está ocupada por urbanizacións de vivendas unifamiliares. O antigo Cuartel demoleuse, e no seu lugar está o Complexo Administrativo de Campolongo, que albergará o novo edificio da Xunta, o novo edificio de Facenda e varios edificios residenciais.

O barrio de San Brais, cunha capela adicada a este santo, foi e segue sendo unha aldea grande. A capela do mesmo nome foi construída cara os séculos XVIII-XIX. Nos anos 90, San Brais cambiou de aspecto mercede á urbanización de chalets na súa parte baixa, e á construción dun hipermercado na parte alta.

Mollabao era o barrio mariñeiro da parroquia, á beira dos ríos Lérez e Gafos. A partir dos anos 50 a súa fachada marítima mudou coa construción da autovía Marín-Pontevedra pola costa. Cara os anos 70 as casas mariñeiras demoléronse, e construíronse altos edificios. Nos anos 80 o barrio viuse partido pola construción da AP-9.

Galicia | Provincia de Pontevedra | Parroquias de Pontevedra

Alba (Santa María) | Bora (Santa Mariña) | O Burgo (Santiago Peregrino) | Campañó (San Pedro) | Campolongo (San Xosé) | A Canicouva (Santo Estevo) | Cerponzóns (San Vicente) | Lérez (San Salvador) | Lourizán (Santo André) | Marcón (San Miguel) | Monteporreiro (O Bo Pastor) | Mourente (Santa María) | Ponte Sampaio (Santa María) | San Bartolomé de Pontevedra | Santa María de Pontevedra | A Virxe do Camiño de Pontevedra | Salcedo (San Martiño) | Santa María de Xeve (Santa María) | Tomeza (San Pedro) | Verducido (San Martiño) | Xeve (Santo André)