Belas Artes
Na Galipedia, a wikipedia en galego.
Arte > Belas artes
Na acepción común, Belas Artes serían aquelas artes que terían por obxecto expresar a beleza, especialmente a arquitectura, escultura, música, e pintura.
De todos modos, o certo é que ademais da beleza, as chamadas belas artes poden buscar tamén la expresividade, a orixinalidade, impactar ó receptor ou incluso a fealdade (vexa, por exemplo, os cadros de Francis Bacon). Neste sentido, podemos dicir que o térmo quedou algo desfasado (sobre todo tralo auxe das vanguardas no século pasado).
Índice |
[editar] División clásica
Os gregos antigos dividían as artes en superiores e menores, sendo as artes superiores aquelas que permitían gozar as obras por medio dos sentidos superiores, vista e oído, cos que non fai falta entrar en contacto físico co obxecto observado. As Belas Artes eran seis: arquitectura, escultura, pintura, música, declamación e danza. A declamación inclúe a poesía e, coa música inclúese o teatro. Esa é a razón pola que o cine é chamado a miúdo, hoxe, a sétima Arte.
[editar] As belas artes
[editar] Música
Existen distintas definicións de Música:
- Arte que combina os sons conforme aos principios da melodía, a harmonía e o ritmo
- Movemento organizado de sons a través dun espazo de tempo.
[editar] Danza
Movementos corporais rítmicos que acompañados generalmente de música serven como vehículo de comunicación e expresión.
[editar] Declamación
Arte consistente no exercicio da retórica e a recitación.
[editar] Pintura
- Arte de plasmar sobre unha superficie motivos de natureza moi diversa, normalmente mediante pigmentos diluídos
- Arte de proxectar un debuxo por medio de liñas, puntos e cores
- Arte de fixar sobre un obxecto perdurable unha imaxe ou momento.
[editar] Escultura
- Arte de crear formas no espazo, tanto exentas como en relevo
- É a arte de tallar, esculpir ou moldear.
[editar] Arquitectura
- Arte ou ciencia de proxectar e construír edificios perdurables no tempo que cumpran unha función e *provoquen pracer estético *Arte e ciencia de deseñar construcións
- Arquitectura é a arte de crear espazos nun lugar xeográfico, un momento histórico, para que a humanidade desenvolva as súas actividades de convivencia social, de entretenimiento e familiares, cumprindo coa verdade útil mecánico-constructiva, económica e social, que sexa belo e teña carácter (concordancia entre programa e proxecto).
Belas Artes é tamén unha licenciatura universitaria nalgúns países, como Arxentina, España, ou México. En España, esta licenciatura comprende estudos de conservación e restauración de obras de arte, deseño, fotografía, pintura, debuxo ou gravado (distribuídos en diferentes especialidades).