Batalla de Pichincha
Na Galipedia, a wikipedia en galego.
A Batalla de Pichincha ocorreu o 24 de maio de 1822, nas ladeiras do volcán Pichincha, a máis de 3.000 metros sobre o nivel do mar, xusto enriba da cidade de Quito, no Ecuador actual.
O encontro, que ocorreu no contexto das guerras de independencia de Sudamérica, enfrontou ao exército independentista baixo o mando do xeneral Antonio José de Sucre e ao exército realista comandado polo mariscal de campo Melchor Aymerich. A derrota das forzas realistas leais a España conducíu á liberación de Quito e asegurou a independencia das provincias que pertencían á Real Audiencia de Quito, tamén coñecida como a Presidencia de Quito, a xurisdición administrativa colonial española da que eventualmente emerxeu a República do Ecuador.