Algas vermellas

Na Galipedia, a wikipedia en galego.

As algas pertencentes ao filo (Phylum) Rhodophyta (do grego ῥόδον: rosa e φυτόν: planta), comunmente coñecidas como algas vermellas, son organismos protistas, anteriormente clasificados como plantas non vasculares, fotosintéticas que conteñen clorofila a e d.

Corresponden a un grupo de 5.000 a 6.000 especies dunha gran diversidade de formas e tamaños. Caracterízanse pola ausencia de células flaxeladas, a presenza de pigmentos ficobilínicos nos ficobilisomas e a ausencia de amidón nos cloroplastos, empregando como material de reserva o amidón de florideas, os tilacoides son simples (rodoplastos). A reprodución sexual realízase por oogamia, con células especializadas, carpogonios e espermacios (pode faltar a sexualidade).

Neste grupo atópanse a maioría das algas que secretan carbonato de calcio e cumpren un rol maior na formación dos arrecifes de coral. Algunhas algas vermellas, por exemplo a dulse ou o nori, son empregadas como alimento e para producir agar, carraxenanos e outros aditivos alimenticios.

[editar] Taxonomía

As diversas eucariotas que compoñen as algas vermellas foron foco de numerosas investigacións recentes e fica unha rica fonte de especies pequenas ainda non descritas pola taxonomía tradicional. Os estudos moleculares deixan ás algas nas Arqueoplástidas (Plantae sensu lato), mais a clasificación supraordinal limitouse ao debate do nivel clase vs. subclase para os dous subgrupos recoñecidos, un dos cales é considerado como parafilético. Este limitado enfoque ocultou en gran medida a necesidade de modificación da clasificación algal.

Abaixo hai dúas taxonomías de algas vermellas publicadas que son válidas, ainda que necesariamente ningunha das dúas ha ser definitiva, xa que a taxonomía algal está ainda en continuo desenvolvemento. Nótese tamén que hai un debate científico continuo sobre se as Rodofitas han ser incluídas no Reino Protista ou no Reino plantae. Estes dous sistemas de clasificación, nos cales as algas ubícanse no Reino Plantae, son amosados na táboa.

Sistema de clasificación de acordo a Hwan Su Yoon et al. 2006[1]

Sistema de clasificación de acordo a Saunders and Hommersand 2004[2]

Reino Plantae Haeckel Subreino Biliphyta Wettstein Phylum Rhodophyta Wettstein Subphylum Cyanidiophytina subphylum novus Clase Cyanidiophyceae Merola et al Subphylum Rhodophytina subphylum novus Clase Bangiophyceae Wettstein Clase Compsopogonophyceae Saunders et Hommersand Clase Florideophyceae Cronquist Clase Porphyridiophyceae classis nova Clase Rhodellophyceae Cavalier-Smith Clase Stylonematophyceae classis nova

Reino Plantae Haeckel Subreino Rhodoplantae Phylum Cyanidiophyta Clase Cyanidiophyceae Merola et al Phylum Rhodophyta Wettstein Subphylum Rhodellophytina Clase Rhodellophyceae Cavalier-Smith Subphylum Metarhodophytina Clase Compsopogonophyceae Saunders et Hommersand Subphylum Eurhodophytina Clase Bangiophyceae Wettstein Clase Florideophyceae Cronquist Subclase Hildenbrandiophycidae Subclase Nemaliophycidae Subclase Ahnfeltiophycidae Subclase Rhodymeniophycidae

[editar] Pigmentos

As Rodofitas posúen tres tipos de pigmentos:

• Clorofilas
  • clorofila a
  • clorofila d (só nas Rodofitas, mais non nas Bangiophyceae).
• Carotenoides
• Pigmentos ficoblínicos
  • Ficoeritrina
  • Ficocianina