Alþingi
Na Galipedia, a wikipedia en galego.
Alþingi (orixinaria da antiga palabra nórdica Alþing) é o parlamento nacional de Islandia cuxa fundación tivo lugar en 930 na rexión de Þingvellir, (a 45 kilómetros da que logo sería a capital da república, Reiquiavik). Incluso trala unión de facto con Noruega, o Alþingi continuou celebrando sesións na zona ata 1799, cando se suspendeu a súa actividade por varias décadas. Volveu instaurarse en 1844, ano no que se trasladou ata Reiquiavik.