Wigerus Vitringa
Ut Wikipedy
Dr. Wigerus Vitringa (Ljouwert, 8 oktober 1657 – Wurdum, 18 jannewaris 1725) wie in advokaat en keunstskilder út de 17e ieu. Hy wie benammen ferneamd om syn skilderijen fan haven- en seesichten.
Ynhâld |
[bewurkje seksje] Libbensrin
Vitringa kaam út in famylje fan rjochtsgelearden en teologen út Ljouwert. Hy studearre ek rjochten oan de Universiteit fan Frjentsjer, hjir promovearre hy op 4 july 1678. Nei syn stúdzje festige hy him yn Ljouwert as advokaat fan it Hof fan Fryslân. Neist syn aktiviteiten as advokaat skildere hy portretten, en letter ek seesichten.
Letter gie Vitringa yn Alkmar wenjen, wêr’t hy him hielendal stoarte op it skilderjen. Hy wie fan 1696 oant 1706 lid fan it Sint-Lukasgilde yn Alkmaar.
Hjirnei gie hy wer yn Ljouwert wenjen. Trochdat syn sicht hieltyd minder waard troch in eachkwaal, koe hy nei 1706 gjin skilderijen mear meitsje. Wol liede hy learlingen op ta skilder. Ien fan syn learlingen wie Taco Hayo Jelgersma, fan Harns. Jelgersma hat in tal portretten fan Vitringa makke.
Vitringa stoarn yn 1725 yn Wurdum.
De wurken fan Vitringa binne bot ynspirearre op skilderijen fan Ludolf Backhuysen, ien fan syn learmasters. In tal wurken fan Vitringa binne yn it ferline dan ek taskreaun oan Backhuysen. Ek Richard Brakenburg fan Haarlim hat in learmaster fan Vitringa west.
[bewurkje seksje] Utstalling
Yn 2008, tusken 3 febrewaris en 11 maaie wie yn it Frysk Museum in útstalling fan Vitringa syn wurken te besjen. Yn de útstalling stiene Vitringa syn wurken sintraal, ek wurken fan syn masters en learlingen waarden útstalle.
[bewurkje seksje] Literatuer
Wigerus Vitringa - De zeeschilder van Friesland; Friese Pers Boekerij. ISBN: 9789033007392
