Stasjon Dokkum-Ealsum
Ut Wikipedy
It Stasjon Dokkum-Ealsum wie in stasjon oan it Spoar fan Ljouwert nei Eanjum, dit spoar stie better bekind as it Dokkumer Lokaaltsje. It stasjon fan de NFLS waard op 2 oktober 1901 iepene en lei tusken Dokkum en Ealsum op it grûngebiet fan Ealsum.
Echt lang is it stasjon net brûkt, want op 1 desimber 1940 waard it al sletten foar reizgersferkear. Dêrnei waard it stasjon oant 1973 brûkt as frachtstasjon, yn dat jier waard it baanfek Holwert - Dokkum sletten om yn 1978 opbrutsen te wurden. Yn 1936 waard de ferbining nei Anjum ta trouwens al opheft.
It stasjon lei op it plak wêr't no it busstasjon stiet. In tal strjitten hjir yn de buert ferwize noch nei it stasjon sa as de Stasjonswei, Stasjonsstrjitte en By 't Stasjon.
