Limes
Ut Wikipedy
Mei de limes (Latyn, "grins") wurde de grinzen oantsjutten fan it Romeinske Ryk. De oantsjutting sels rekke pas yn swang yn de 19e ieu. Yn Jeropa lei de grins troch by de Ryn, Donau en de Noardsee lâns. De muorre fan Hadrianus dy't rûchwei op 'e Skots-Ingelse grins leit, is ek in limes. De namme limes is troch Dútske archeologen optocht. De limes ferbûn ferdigeningstuorren, castra en garnisoenstêden. De trochsneed ôfstân tusken de castra wie 6.5 kilometer, mar der is net ien castra oerbleaun dy't oan de súdgrins fan it eartydske Fryske Ryk lein hat. De limes binne yn 47 n. Kr. ûntstien nei it Germania offensyf, doe waard besletten dat de Ryn de grins wurde moast.
