Hollum

Ut Wikipedy

Hollum is it westlikste doarp op it Amelân. It is ek it grutste doarp yn de gemeente, mei likernôch 1.230 ynwenners (2004).

Hollum leit oan de Borndjip en is dêrmei ek it meast westlike en ek it grutste fan de fjouwer doarpen op It Amelân. Yn it doarp binne in soad smelle strjitsjes en kommandeurshuzen. De takkele rânen fan de gevels jouwe de rang fan deseefarder oan dy't yn it hûs wenne. Hoe mear takkels op de gevelrânen, hoe heger de rang.

[bewurkje seksje] It besjen wurdich

[bewurkje seksje] Museum Sorgdrager

Dit kultuer-historysk museum sit yn it eardere kommandeurshûs út 1751. Der is in wikseleksposysje en der wurde dialêzingen en rûnliedingen organisearre.

[bewurkje seksje] Reddingsmuseum

Yn it eardere reddingsboat hûs sitReddingsmuseum "Abraham Fock" gevestigd. De namme komt fan de oant 1988 tsjinst dwaande hyndersreddingsboat dy't noch te besjen is. By demonstraasjes wurdt de boat troch tsien hynders fan it museum nei de see ta brocht.

[bewurkje seksje] Stellingmole De Verwachting

Hjir wurdt geregeld nôt of moster meald.

De Verwachting

Fjoertoer

Kapiteinshûs yn Hollum

Tsjerketoer fan Hollum

Tsjerkeoargel

[bewurkje seksje] Mienskip

Sûnt 1948 bestiet de Feriening Doarpsbelang. De feriening wol bûten de eigen belangen ek it toerisme befoarderje. It doarp hie yn it earstoan in eigen VVV, dy't leter opgien is yn de VVV fan It Amelân. Sa waarden skulpepaadsjes oanlein, foarsjennings makke, strânfeesten en optochten organisearre.

[bewurkje seksje] Befolking:

1954 - 951
1959 - 938
1964 - 945
1969 - 1046
1974 - 1101
2004 - 1230

[bewurkje seksje] Ferskaat

Jan de Bruin, fuotballer is berne yn Hollum
De ""Hollumer Gromkes"" is in dweilorkest dat yn 1991 oprjochte is mei de Blauhúster Dakkapel as foarbyld. Ynstee fan de Fryske truien drage de muzikanten in trui mei it Amelanner wapen.
It Sinterklaasfeest wurdt yn Hollum noch as fanâlds dien. Op 4 desimber is it feest foar de bern, op 5 desimber foar boppe de achttjin jier. Allinnich jonges en manlju ferklaaie har. Der wurdt dan op buffelhoarns blaasd en men mei net werkend wurde, ek net oan de stim. De saneamde baanfeiers feie alles wat frou hjitte kin fan de strjitte. De "Ouwe Sunderklazen" of "Omes" meie froulje en famkes twinge om te dûnsjen.