Golf fan Biskaje

Ut Wikipedy

Golf fan Biskaje op 'e kaart

Golf fan Biskaje, Spanje

De Golf fan Biskaje (Spaansk: Golfo de Vizcaya, Frânsk: Golfe de Gascogne, Baskysk: Bizkaiko Golkoa) is in seeboezem tusken Frankryk en Spanje dy't him útstrekt fan Bretanje oant de noardkust fan Spanje. De golf is neamd nei de Spaanske provinsje Biskaje.

De golf hie, terjochte, de namme by stoarm tige gefaarlik te wêzen. Oan trije kanten is de golf troch lân omsletten, mar oan de westkant komt de folle wyn fan de Atlantyske Oseaan oansetten. Sylskippen dy't ienkear yn de golf wienen koenen by westerstoarm net mear weikomme en waarden troch de Atlantyske wyn nei de legerwâl fan de Frânske kust dreaun.

Ynhâld

1 Skiednis
2 Geografy
- 2.1 Rivieren
- 2.2 Wichtichste stêden

[bewurkje seksje] Skiednis

It diel besuden de golf krekt foar de regio Kantabria neame de Spanjaarden "Mar Cantábrico" (Kantabryske See). De namme komt fan de Romeinen yn 'e earste ieu foar Kristus Sinus Cantabrorum (Oseaan fan Kantabria). Op guon't midsieuske kaarten, wurdt de Golf fan Biskaje ek oantsjut as El Mar del los Vascos (Baskyske Baai).

Op 22 maaie 1703 fûn der in seeslach yn de Golf fan Biskaje plak. In keapfaardijfloat beskerme troch Nederlânske kriichsskippen, ûnder lieding fan kaptein Roemer Vlacq, moetet in eskader Frânske kriichsskippen. De Frânske oermacht wie lykwols te grut en de Nederlânske skippen wienen twongen ta oerjaan.

Wilens de kâlde kriich hat de marine fan 'e Sowjetuny dêr faak west. Foar de Sowjets wie de see fan geopolitysk en strategysk belang, sa koene se ienfâldiger by de Atlantyske Oseaan komme.

[bewurkje seksje] Geografy

Meidat dielen fan 'e kontinintale plaat fier de baai ynrinne, is it wetter ûndjip, dêr't de wylde seeën it resultaat fan binne.

[bewurkje seksje] Rivieren

De wichtichste rivieren dy't útrinne yn 'e Golf fan Biskaje:

Frankryk: Loire, Charente, Garonne, Dordogne, Adour.
Spanje: neamd westwerts : Bidasoa, Oria, Urola , Nervión, Nalón, Pas, Asón, Deva, Miera, Besaya, Nansa, Eo, Sor.