De Geau (Drylts)
Ut Wikipedy
De Geau is in wetter yn de gemeenten Wymbritseradiel en Snits. It brede wetter rint fan Snits oant de brêge yn Drylts. Nei de brêge hjit it wetter de Wiiddraai.
De Geau is in ûnderdiel fan de ferbining Snitser Mar - Hegemer Mar en wurdt sawaande drok befearn yn't simmer. Krekt bûten it sintrum fan Snits leit de Geaubrêge, ien fan de fiif brêgen oer de rivier. Op dat punt kruse de Stedsrûnwei-Súd en De Geau inoar. De Geaubrêge is de grutste oerbrêging oer it wetter, mei in hichte fan 3 meter 16 en in breedte fan wol 9 meter. By dizze brêge wurdt ek boud oan it Geau-akwadukt dat mids 2008 klear wêze moatte.
Yn Snits markearret de brêge fan de Jousterkade / Toppenhústerwei it einpunt fan de rivier. Bewesten fan Drylts, by Nijesyl, giet de rivier oer yn de Wiiddraai, oan de oare kant yn Snits giet De Geau oer yn de Houkesleat.
Markante gebouwen oan De Geau binne û.o. de houtseachmole De Rat yn Drylts en de wetterpoarte fan Snits.
De Geau is ek in ûnderdiel fan de Alvestêdetocht.
De namme De Geau jildt sûnt 15 maart 2007 as de offisjele namme, as ferfanging foar de eardere offisjele namme Geeuw.
