Apostel
Ut Wikipedy
In apostel is ien dy’t út namme fan in oar der op út stjoerd wurdt en in boadskip oerbringt. De term wurdt foaral brûkt yn de bibelse betsjutting, foar ien dy 't stjoerd is troch Jezus Kristus om it evangeelje te fersprieden.
De earste apostels wienen alve fan de tolve dissipels fan Jezus. Der wie ek noch in tolfde dissipel, Judas Iskariot mar dizze hong himsels op. Hy waard opfolge troch Mattias. De alve apostels hawwe de leste jierren fan Jezus libben op ierde fan tichtby meimakke. Sy hearden ta de binnenste rûnte fan syn oanhingers. Nei Jezus ferskinen op ierde, begûnen de apostels it evangeelje te fersprieden yn Israel, Syrje en Súd-Jeropa. Ek Paulus neamde himsels in apostel, mar hy hat Jezus nea op ierde moete, mar is pas letter op in boppenatuerlike wize oanhinger wurden fan Jezus Kristus syn lear.
De apostels (yn alfabetyske folchoarder):
- Andreas (Simon Petrus' broer)
- Bartolomeüs
- Filippus
- Jacobus de Mindere of de Rjochtfeardige (al dan net de broer fan Jezus)
- Jacobus de Meardere (soan fan Zebedeüs)
- Jehannes (soan fan Zebedeüs)
- Judas Taddeüs (broer (of soan) fan Jakobus, ek wol Judas Lebbeüs neamd)
- Mattias, de opfolger fan Jezus' dissipel Judas Iskariot
- Matteüs (ek wol Levi neamd)
- Petrus (ek wol Simon Petrus en Kefas neamd)
- Simon (Mei faak as tafoeging "De Seloot")
- Tomas
- Paulus (as de lettere, 13e apostel)
Hjoed de dei wurdt de namme Apostel ek wol brûkt troch de wichtichste foargonger dy’t harsels de apostoalyske tsjerke neamd.
