Los Angeles
De Vichipedie, la enciclopedie libare dute in marilenghe.
Los Angeles (spes in curt L.A.) al è une citât dai Stâts Unîts di Americhe logade tal stât de Californie, su la cueste pacifiche, uns 150 chilometris a nord de frontiere cul Messic.
Par numar di abitants, Los Angeles e je la seconde citât plui grande dai Stâts Unîts dopo di Gnove York. Inte sô aree metropolitane a vivin cirche 16 milions di personis. Come superficie, e je la prime citât de Americhe setentrionâl e une des plui grandis in dut al mont; di nord a sud, si estint par 100 chilometris. E fo une des primis citâts caraterizadis de urbanizazion di grandis areis cun cjasis unifamiliâts, robe che e à provocât il disvilup di une grandonone rêt di autostradis, e di un mont a misure di machine. E je une citât un grum famose e visitade; un dai puescj plui cognossûts al è il cuartîr di Hollywood, la scune de industrie dal cine merecan.
