Gurize

De Vichipedie, la enciclopedie libare dute in marilenghe.

Gurize

Non ufiziâl par talian	Gorizia
Provincie	Gurize
Part	Friûl orientâl (di là dal Clap)
Altitudin	84 m s.n.m
Superficie	41 km²
Popolazion	36.615 ab.
Densitât	863 ab/km²
Frazions	Cjastiel, Lucinîs, Oslavie, Peume, Sant Maur, Sant Andree, Stracis, Ossari, Valon da l'Aghe, Gradiscjute, Pudigori, Moncjalvarie, Pubride, Machete, C.is Cipriani, Monsante, Plaçute, Sant Aroc, Madonute
Comuns confinants	Cuei (Brda) (SLO), Fare, Mosse, Gnove Gurize (Nova Gorica) (SLO), San Florean dal Cuei, Savogne di Gurize
CAP	34170
Prefìs telefonic	0481
Patron	Sant'Ilari e San Tazian
Sît istituzionâl
Cjale il Progjet comuns

Gurize (loc. Guriza) (par talian Gorizia, par sloven Gorica (cun l'acent parsore de "i"), par todesc Görz , par serp e cravuat Gòrica - tes lenghis sclavis la "c" a si pronuncie "ts") e je une citât di 35.401 abitants, che e je just sul confin cun la Slovenie; di che altre bande dal confin e je le citât di Nova Gorica, nassude intal 1947 subit dopo de fin de Seconde Vuere Mondiâl.

E je la citât plui a Est dulà che a si fevele par furlan (tes zonis di Lucinîs, Stracis, Monsante, Plaçute e Sant Aroc). Al è il cjâf lûc dal Friûl Isuntin; il so non al ven dal sloven gorica, che al vûl dî cuel, cun riferiment probabilmentri a chel dal cjiscjel. Citât cun dôs animis, partignint par istorie sedi al Friûl, sedi a la Vignesie Julie.

Indis

1 Storie
- 1.1 Prime vuere mondiâl
- 1.2 Seconde vuere mondiâl
2 Secont dopovuere
3 Monuments
4 Leams esternis

[cambie] Storie

Gurize e je nomenade pe prime volte ai 28 di Avrîl 1001 intun document cun cui l'imperadôr Ottone III al donave la citât (quae sclavonica lingua vocatur Goritia) al patriarcje di Aquilee e ai Eppstein, conts dal Friûl. Cussì Gurize e fo prime sot dal Patriarcjât di Aquilee, daspò sot dai conts de Bavarie.

Tal 1500, muart l'ultin cont, Lenart, a Lienz, la citât e passà a Massimilian I di Asburc, ancje se Vignesie al varès volût cjapâ je possès di Gurize, che tornarà a la Italie, tal mût di dut il Friûl orientâl, dome tal 1919 daspò de prime vuere mondiâl. De metât dal XVIII secul e fo sede arcivescuvîl, cuntune jurisdizion une vore grande, che e rivave fintremai la citât di Como, in Lombardie).

[cambie] Prime vuere mondiâl

Dilunc de grande vuere, i talians a cjaparin Gurize une prime volte ai 8 di Avost dal 1916, ma par vie de rote di Cjaurêt, l'esercit talian a scugnì bandonâ la citât par ritirâsi ae diestre da la Plâf.

[cambie] Seconde vuere mondiâl

Te Seconde Vuere Mondiâl e fo ocupade prime di bande dai todescs (daspò dal armistizi dai 8 di Setembar dal 1943) e po di bande dai partesans titins tal Mai dal 1945, che a semenarin terôr par cuarante dîs.

Gurize e je stade decorade de medaie d'aur al valôr militâr pai sacrificis de popolazion vie par la Vuere di Liberazion.

[cambie] Secont dopovuere

Daspò dai tratâts di pâs ae fin de vuere, il confin talian al fo zirucât di diviers chilometris, fin a tocjâ la citât di Gurize. Par chest, aministrâ i teritoris dal alt Lusinç, la Federazion Jugoslave e decidè di fondâ une gnove citât tacade dal confin, clamade Gnove Gurize, (Nova Gorica) par sloven.

Fin ai agns '50, par vie de cortine di fier, la citât e jere sot stret control militâr, come che al sucedeve a Berlin; dome tai decenis sucessîfs il rapuart jenfri lis dôs citâts e deventà plui seren.

Tal 2004, Gurize e je deventade la citât simbul dal slargjament de Union Europeane.