Contee di Gurize e Gardiscje
De Vichipedie, la enciclopedie libare dute in marilenghe.
Gurize e Gardiscje e jere une contee dal imperi austro ongjarês che, cun Triest e la Istrie, e faseve part dal Litorâl Adriatic che al jere un dai teritoris aministratîfs clamâts Kustenland dal imperi.
Indis |
[cambie] Storie
La contee di Gurize e jere passade sot dai Asburc intal 1500 cuant che il cont Leonart di Lurngau al jere muart cence erêts. La sovranitât dai Asburc e fo interote par un curt periodi dai Venezians tal 1508-1509. Intal 1647 Gardiscje a fo stacade de contee e a passà ai conts Eggenberg ma intal 1754 lis dôs conteis a forin metudis adun fasint la Contee di Gurize e Gardiscje.
Sot Napoleon il teritori al fasè part des Provinciis Ilirichis francesis. Tornade sot de Austrie fin al 1849 al fasè part dal Ream de Ilirie e dopo al là sot dal teritori clamât Litorâl Adriatic.
Dopo la prime vuere mondiâl il teritori al passà sot la Italie, in prin dut sot la provincie di Udin e dal 1927 sot la gnove provincie di Gurize fûr che il distret di Çarvignan restât sot Udin.
Il periodi fassist al fo une vore dramatic pe dure politiche di italianizazion puartade indevant dal stât talian cuintri i slovens e i todescs. A forin gambiâts i cognons e i nons dai paîs no talians e a fo proibît il fevelâ lenghis diviersis dal talian. Dutis robis che in cualchi misure a rivarin a distruzi che convivence multiculturâl che e jere une des carateristichis de contee e che a puartarin a grandononis tragjediis lunc de seconde vuere mondiâl. Dopo il 1945 la bande orientâl de contee e passà sot de Jugoslavie mentri i teritoris di Gurize e di Gardiscje a restarin sot de Italie e a finirin inte gnove regjon dal Friûl-Vignesie Julie. La bande slovene de regjon al dì di vuê si clame Goriska e e fâs part dal Litorâl Sloven.
[cambie] Culture
La contee di Gurize e Gardiscje e jere une zone multiculturâl dulà che i sclâfs, i todescs e i latins e vivevin insiemit e il guvier al rispietave lis minorancis, al jere facil cjatâ int buine di fevelà trê o cuatri lenghis.
[cambie] Lenghe furlane
Di lunc dal XIX secul Gurize e fo un centri impuartant e une vore vitâl pe lenghe furlane dulà che a vignivin rieditâts vecjos libris e butâts fûr di gnûfs, e dulà che ancje la nobiltât e fevelave par furlan, cuant che a Udin i sorestants a dopravin il dialet udinês parcè che il furlan al veve di jessi nome la lenghe dai contadins.
Al va dite che spes il furlan gurizan al è stât considerât, di bande di altris furlans, masse miscliçât cun influencis talianis e la citât no ven simpri viodude tant che dal dut furlane.
Al è di notà che il furlan gurizan si fevele in ducj i teritoris di chê che e jere la contee, ancje intal çervignanês che de prime vuere mondiâl nol è plui sot di Gurize.
La contee di Gurize e Gardiscje e je ancje impuartante pe storie de lenghe furlane parcè che e je la sole dulà che a son stâts fats dai censiments dai furlans. Intal 1857 il censiment al mostrà che a jerin 48.841 furlans, 130.748 slovens, 15.134 talians e 2.150 todescs, un altri censiment fat intal 1921 al mostrà risultâts plui o mancul compagns.
[cambie] Censiment dal 1910
- Aree: 2918 km²
- Popolazion (Censiment dal 1910): 260,721 - 89.3 personis al km²
[cambie] Ethnic groups
- Slovens 154,564 (58 %)
- Talians 90,119 (36 %)
- Todescs 4,486 (2 %)
