Ai tubutubu i Jisu, a nona sucu mai vua na goneyalewa.
Ni sa sucu ko Kisu, sa lako mai na tu i cake eso na tamata vuku me ra cuva vua; a sa kidroa ko Eroti, kei ira kecega na kai Jerusalemi; a sa vereti Jisu ko Eroti me vakamatea. Sa drotaki rau na veitinani ki Ijipta ko Josefa, a sa mokuti ira na gonetagane lalai ko Eroti. Sa mate ko Eroti, sa qai lesu tale ki Jutia ko Josefa kei rau na veitinani.
Sa dauvunau mai Jutia ko Joni na dauveipapitaiso, a sa papitaisotaki ira na lewe vuqa. Sa papitaisotaki Jisu ko koya.
Sa dauveretaki Jisu na tevoro. Sa laki tiko ki Kapenaumi ko Jisu. Sa dauvunau ko Jisu; a sa kacivi Pita, kei Adriu, kei Jemesa, kei Joni, me ratou nonai talatala. Sa veilakoyaki ko Jisu me vunau ka vakabulai ira na mate.
Sa vakabula na vukavuka ko Jisu, kei na tina ni wati i Pita. Sa qai tukuma vei ira na nona tisaipeli nai valavala ni tamata sa muri koya. Sa qai vunauca na wai, a sa vakasevi ira na tevoro mai na tamata e le rua.
Sa vakabula ko Jisu e dua sa tauvi-paralasi. Sa kacivi Maciu, sa kana vata kei ira sa tamata ca. Sa vakatakila na ka era sa sega ni lolo kina na nona tisaipeli e na goneyalewa sa ciba, kei na matabokoe le rua, kei na galu. A sa vakavulici ira na nona tisaipeli me ra daumasu me lewe vuqa nai talatala.
