Valli el Herti
Dendi Güiquipeya
Valli el Herti | |
{{{escudo}}} | |
![]() |
|
Pais | {{{pais}}} |
Comuniá Autúnoma | ![]() |
Província | Caçris |
Capital | Herti |
Mayol puebración | {{{mayol_puebración}}} |
Monicípius | 11 |
Superfici | 372,73 qm² |
Puebración Densiá |
11.061 ab. (2007) 29,67 ab./qm² |
Páhina web |
Valli el Herti (oficialmenti en castillanu: Valle del Jerte) es una comarca estremeña asiahá nel estremu nororiental la província e Caçris i arraya al norti colas províncias d'Ávila i Salamanca, al oesti con el Valli el Ambrós, pol sul cola ciá e Praséncia i al esti cola comarca La Vera.
Continius |
[eital] Etimulohia
El Valli el Herti hue conociu hata el úrtimu terciu el sigru XX cumu Valli e Praséncia. Es a los árabis a quienis s'ebi el topónimu el riu i, polo tantu, tamién el de la comarca. El idrónimu Xerit se presta a una dobri enterpretación etimulóhica, bien cumu "riu estrechu", bien cumu "riu cristalinu". Desta grafia mas antigua el topónimu Xérit, s'á tomau el hentilíciu curtu: Valxeritensis, que s'alterna endistintamenti nel su usu colos mas comunis de herteñus, vallensis, u valliherteñus.
[eital] Lista e monicípius el Valli el Herti
- Barrau
- Cabeçuela el Valli
- Cabreru
- Casas del Castañal
- Herti
- Navaconcehu
- Piornal
- Rebollal
- Tornavacas
- El Tornu
- Valdastillas
[eital] Puebración
El Valli el Herti está hormau pol onci monicípius, agrupaus ena Mancomuniá e Monicípius del Valli el Herti i que se repartin de horma desigual la puebración vallensi, hormá pol alreol de 13.000 abitantis: Barrau, El Tornu, Rebollal, Casas del Castañal, Cabreri, Piornal, Valdastillas, Navaconcehu, Cabeçuela el Valli, Herti i Tornavacas.
Án desapaiciu algotras puebracionis que a lo largu la estória tamién hormarun parti el conhuntu e monicípius: Asperilla, Osalvu, Peñahorcá, Vadillu i Tabaris.
Al suroesti s'alcuentra la ciá e Praséncia, que si bien nu horma parti físicamenti el própiu Valli, á siu traicionalmenti consierá cumu la su cabeça, i ogañu entovia tiini un emportanti pesu específicu en cuantu a servícius i cumu ñu e comunicacionis.
[eital] Artuestremeñu
Nel Valli el Herti se palra la moaliá d'estremeñu llamá valheritensi pol angunus envestigaoris localis.