Richard Wagner
Dendi Güiquipeya
<
Richard Wagner (Leipzig, 22 e mayu e 1813 - Venécia, 13 e febreru e 1883) hue un compositol d'ópera alemán. Hue el más emportanti compositol d'ópera en Alemaña duranti el perió románticu.
Hueraparti anguna música qu'escrebió cuandu era estuyanti, escrebió 10 óperas, las cualas son arreprehentá alicuandu en teatrus d'opera uguañoti. La mayoría e las sus óperas son al tentu estórias de la mitulohía alemaña. Escrebía los testus pol sí mesmu siempri. Chambó las ideas que tinía la henti al tentu lo cúmu l'ópera ebía de sel. Cavilaba qu'el drama (l'estória que se cuenta con tola tensión) era mú emportanti i descohía los cantantis él mesmu palas sus óperas, p'asín puel entrenalus pola verea qu'el barruntaba. La música de las sus óperas nu daba al púbricu l'oportuniá d'aplauil endispués los solus cumu s'iba hechu nel sigru XVIII: acontinaba através del atu compretu. Hadía l'estória e la su música gastandu de lo que él hucheaba “leitmotifs”. Estus eran melodías u cachinus de frasis musicalis, los cualis pretenecían a presonahis particularis ena ópera u a ideas particularis.
Tuvu más enfruéncia nalgotrus compositoris que naidi más nel su tiempu, estu era pola sus armonías, las cualas se gorvierun más i más cromática.
Cuaharingó un teatru e ópera hormi el su própiu diseñu ena ciá alemaña e Bayreuth. A piqui tolos músicus d'Uropa tratun de viahal a Bayreuth p'ascuchal la música e Wagner. El festival de Wagner tié lugal cá tres añus allí.
[eital] Labutus destacaus
- El olandés erranti (Der fliegende Holländer) (1843)
- Tannhäuser (1845)
- Lohengrin (1850)
- Tristán i Isolda (Tristan und Isolde) (1865) Template:Audio
- Los Maestrus cantoris de Nüremberg (Die Meistersinger von Nürnberg) (1868)
- La Tretalohía entitulá El Anillu e los Nibelungus (Der Ring des Nibelungen), estrená nel añu 1876 i cuaharingá pol:
- El oru el Rin (Das Rheingold) (1869)
- La Valquíria (Die Walküre) (1870)
- Sifriu (Siegfried) (1871)
- El orihoscu e los Diosis (Götterdämmerung) (1874)
- Parsifal (1882)
