Pran Badahó
Dendi Güiquipeya
El Pran Badahó hue una seri d´atuacionis el Estau español sobri la província e Badahó, esminciás en 1952 i cuyu fin era creal un sistema mehorau d´eletrificación, riegu, trashormación i comercialización pa la agricurtura pacensi, teniendu cumu basi el riu Guadiana i cumu ohetivu mehoral la proución i renta agraria e la província.
Continius |
[eital] Lehislación
La primel lei hue aprebá el 5 d´abril de 1952 i pubricitá nel BOE (Boletín Oficial el Estau) el 6 d´abril de 1952. El prazu al prencipiu era e 14 añus (1952–1965), peru alogu se moificó en 1963 i de nuevu en 1971, estendiéndulu hata 1975.
[eital] Obra social
La obra social mas valiosa es el movimientu e presonas cifrau ena costrución de 6.000 viviendas familiaris, p´asental a otrus tantus empresarius agrícolas.
Cumu obras idráulicas mas emportantis quean los 3.500 millonis de metrus cúbicus de capaciá de embalsi ena cuenca e riu Guadiana, colas presas prencipalis de Cíhara, la e Garcia e Sola (Puertu Peña), la e Orellana, la e Zúhar i la e Montihu, pa regal mas de 100.000 etárias. Se hizun centralis idruelétricas con una potencia e 71.000 Kilowatius.
[eital] Farta d´endustrialidación
La fasi mas creticá es la de la farta d´endustrialidación, si bien con relación al Pran se superun las previsionis de fabricación de piensus componius, mataerus, desmotau d´algodón, tehius d´algodón, cementu, motoris, cervezas, enulóhicas (vinu), eleoténicas (aceite) i semoleras ; si bien nu se chegó al ohetivu marcau en conservas vehetalis (95 pol 100), fertiliçantis (91 pol 100) i secaerus de produtus vehetalis (76 pol 100).
[eital] Bibliugrafía
- Martín Lobo, Manuel, El Plan Badajoz, ¿éxito o fracaso?. Badahó, 2002
- Medina, Juan. El Plan Badajoz y el desarrollo económico de la provincia. Tecnigraf Editores, Badahó, 2002
