Las Villuercas (comarca)
Dendi Güiquipeya
Las Villuercas es una comarca estremeña asiahá entri los rius Tahu i Guadiana. Toma el nombri de la sierra que la rodea nel suresti la província e Caçris.
[eital] Asiahamientu
De orografia montañosa, tiini cumu cimera máisima el picu Villuercas (1.600 m).
Nesta comarca, deviia en deferentis ecosistemas, s'alcuentra una zona de arta montaña, con bosquis caucifólius bien conservaus (castañaris, rebollaris i robrealis). A meya artitú se dan alcornocalis i enas hesas vehetan chaparreras.
Posei tamién una gran fauna holmá pol ciervus, habalís, ganau bovinu, i enas sus zonas mas vílhinis, ehempraris de linci ibéricu. Á siu decrará "Zona d'Especial Proteción de Avis" pa conserval divelsas especis la comarca, ya que costitui un lugal de resiéncia temporal i pará migratória.
Enos sus 1.483,3 qm² vivin 10.354 abitantis.
La su capital es Guadalupi, ondi s'alcuentra el monastériu de Guadalupi, decrarau Patrimoñu la Umaniá. Otras puebracionis d'emportáncia son Logrosán, Berçocana, Cañameru i Alia.
Nesta comarca s'alcuentra la mayol cantiá e pinturas rupestris d'Estremaura, i son albondus los restus arqueolóhicus i vestíhius las deferentis curturas qu'án residiu enas sus tierras a través de la estória.
[eital] Monicípius
- Alia
- Berçocana
- Cabañas del Castillu
- La Calera
- Cañameru
- Guadalupi
- Logrosán
- Naveçuelas
- Retamosa
- Roturas
- Solana
