Nazio estatu
Wikipedia(e)tik
Nazio estatua estatuaren antolaketa modu bat da, posible diren guztien artean, nazio batek lurralde baten gainean eraikitzen duen antolaketa politiko bat, hain zuzen ere, bere izaera eta lurraldea defenditu ahal izateko.
Gehienetan kultura bat eta hizkuntza bakarra ere suposatu ohi du. Erlijioak ere markatzen izan du zenbait kasutan nazio izaeraren pertzepzioa.
[aldatu] Kontzeptu eztabaidatua
Nazio estatua nazioarekin nahasten bada ere, nazio estatu gehienek nazio bat baino gehiago daukate euren mugen barnean. Izan ere, nazio bat besteei gailentzen zaie, nazio estatu horren agintaritzan eta eliteetan nagusi izanez, eta gehienetan, gainontzeko nazioak gutxitzen saiatuz (bitarteko demokratikoekin edo ez). Ondorioz, nazioak aztertzen dituzten hainbat autorek, nazio estatu kontzeptuaren izaera nahasgarria azpimarratzen dute, estatu gehienak Nazio estatuak ez diren heinean.
Zentzu honetan, nazio estatuak oso gutxi lirateke. Esaterako, Portugal (uharteetako tentsio sezesionistak eta Miranda do Douroko zonaldearen izaera alde batera utziz) edo Japonia, adibide soil modura.
Estatu ia guztiek, hortaz, aniztasun etniko eta nazional handia daukate, nazio estatu kontzeptuaren egokitasuna zalantzan jarriz.
