Mohandas Karamchand Gandhi
Wikipedia(e)tik
Mohandas Karamchand Gandhi, gujaratiz મોહનદાસ કરમચંદ ગાંધી mohandās karamchand gā̃dhī?, (1869ko urriaren 2-1948ko urtarrilaren 30) politikari eta buruzagi erlijioso indiarra izan zen. Mahātmā Gandhi izenez egin zen ezaguna (sanskritoz, mahā ātmā, ‘arima handia’). Indiako estatuaren sortzaileetariko bat izan zen. Bere filosofiak bakezaletasuna iraultzarako bitarteko bezala aldarrikatzen du. Bizitza osoan zehar mota guztietako indarkeriaren aurka egon zen.
[aldatu] Bizitza
XIX. mendean erreforma garrantzitsuak gertatu ziren Indian. Mugimendu hauek, Hinduismo tradizionala, erreforma sozial eta ideia politiko berriekin elkartzea zuten helburu. Arlo honetan Gandhik eragin handia izan zuen.
Hinduista nazionalisten buruak, abokatu ikasketak egin zituen Londresen. Bere lana Hego Afrikan egin ondoren (1893) hinduisten egoera salatzeko protesta egin zuen, bere erresistentzia pasiboaren politika aplikatuz.
Britainiar inperialismoaren aurkako gatazkan, gizarte borrokarako eta politikarako egokitu zituen hindu irakaspen zaharrak: bortxarik gabeko jarrera, barazkijale izatea, ezkongabetza eta jende desberdinen arteko begirunea.
1947. urtean hindu eta musulmanen arteko biolentziari bukaera ematen saiatu zen.
1948ko urtarrilaren 30ean sikh erlijioko fanatiko batek hil zuen, eguneroko otoitzak egiten ari zela.
Gandhiren printzipioek Martin Luther King, Jr. edota Nelson Mandela bezalako demokraziaren aldeko eta arrazismoaren aurkako ekintzaile belaunaldi oso bat insipiratu dute.
