Helena Resano
Wikipedia(e)tik
Maria Helena Resano Lizaldre (Iruñea, 1974ko otsailaren 9a - ) kazetaria eta telebista-aurkezlea da. Nafarroako Unibertsitatean Ikus-entzunezko Komunikazioan lizentziatua. Ezkonduta dago eta alaba bat du. 2000an, Manos Unidas saria jaso zuen La tierra de todos erreportajeagatik.
[aldatu] Jarduera profesionala
Iruñako Cadena SER irrati-katean hasi zen lanean bekadun bezala. Ondoren, Pamplona Televisión telebista-katean eta Onda 10 irrati-katean lan egin zuen. 1995ean, Madrilen Radio España irrati-katean lan egiteko beka lortu zuen. Gero, Telecinco telebista-katean egon zen erreportari bezala. 1999an Televisión Españolako albistegietan postu bat eman zioten, Canal 24 Horasen. Letizia Ortiz ordezkatu zuen TVE 1eko Telediario: Segunda Ediciónen Alfredo Urdacirekin aurkezten zuela. 2004 eta 2006 artean, David Canterorekin aurkeztu zuen. 2006ko martxoan, La Sextak fitxatu zuen eta La Actualidad en 2D aurkeztu zuen. Gaur egun, arratsaldeetako ordu bietako La Sexta/Noticias albistegia eta Sexto Sentido elkarrizketa eta gaurkotasun-albisteen programa aurkezten du, azken programa honetan, Mamen Mendizabal eta Cristina Villanueva kide dituela.
