Erroibar
Wikipedia(e)tik
Erroibar |
|||
---|---|---|---|
Nafarroa | |||
|
|||
Izen ofiziala | Erro | ||
Antolaketa
Estatua
Autonomia Erkidegoa Merindadea |
Espainia Nafarroako Foru Erkidegoa Zangozako merindadea |
||
Posta-kodea | 31.xxx |
||
Koordenatuak | Koordenatuak: | ||
Garaiera | 669 m | ||
Eremua | 143.49 km2 | ||
Biztanleria | 745 (2006) | ||
Dentsitatea | 5.19 bizt/km2 | ||
Distantzia | km Iruñeara | ||
Euskaldunak | %24.01 (2001) | ||
Herritarra | erroibartar |
Erroibar Nafarroako iparraldean dagoen udalerri mugako eta ibarra da, Zangozako merindadearen ipar-mendebaldean kokaturik.
Udalerriak 143 kilometro koadro ditu eta, 2005eko erroldaren arabera, 747 biztanle. Udaletxea Lintzoainen dago, Iruñeatik 32 km-ra.
Eduki-taula |
[aldatu] Mugakideak
Mugakide hauek ditu: Nafarroa Beherea eta Baztan iparraldean, Auritz eta Artzibar ekialdean, Lizoain hegoaldean eta Esteribar eta berriz Baztan mendebaldean.
[aldatu] Herriak
Herri hauek osatzen dute: Aintzioa, Ardaitz, Aurizberri, Erro, Esnotz, Lintzoain (herriburua), Loizu, Mezkiritz, Orondritz, Bizkarret-Gerendiain eta Zilbeti.
Horretaz gain, jaurerrietako etxaguneak eta antzinako herri hustuak badaude: Astigarreta, Oiaide edo Olaide, Orosa, Orosurgi, Ureta, Urniza, Gurbizar eta Larraingoa.
[aldatu] Inguru naturala
Mendebaldeko Piriniotan kokaturik, Adi mendiaren (1.459 m) hegoaldeko magalean dugu Zilbeti herri erroibartarra.
Halaber, aipatzekoak dira Sorogaingo ingurunea eta Kintoa izeneko pagadi ezaguna.
[aldatu] Euskara
Berezko euskalkia zeukaten, erroibarrera hain zuzen ere. Gaur egun, ordea, ia galdutzat jo daiteke bertako euskara, Bonapartek bere sailkapenean Hegoaldeko Goi-Nafarreran kokatu eta gaur egun Koldo Zuazok nafarreratzat jo duena.
Euskara batuaren itzalean alfabetatutako hainbat euskaldun baden arren, erroibarreko mintzaira zaharra oso hiztun gutxik dakite. 2007ko udazkenean, 4 euskaldun behintzat baziren Zilbeti, Lintzoain eta Uretan, baina horietako bat besterik ez zen 50 urtetik beherakoa.
[aldatu] Pertsona ezagunak
- Orreaga Ibarra (1960-), hizkuntzalaria.
[aldatu] Bibliografia
- Jose Maria Jimeno Jurio (zuzendaria), Nafarroako toponimia eta mapagintza. XXXV, Iruñea, 1996. ISBN: 84-235-1505-2.
[aldatu] Ikus, gainera
[aldatu] Kanpo loturak
Erroibar | ||
---|---|---|
Aintzioa | Ardaitz | Aurizberri | Bizkarret-Gerendiain | Erro | Esnotz | Gurbizar | Larraingoa | Lintzoain | Loizu | Mezkiritz | Oiaide | Orondritz | Urniza | Zilbeti |