Dardaneloetako itsasartea
Wikipedia(e)tik
Dardaneloak (turkieraz Çanakkale bogazi eta grezieraz Δαρδανέλλια) Europa eta Asiaren artean kokatutako itsasartea da. Antzinako Grezian Helesponto izena zuen. Egeo itsasoa eta Marmara itsasoa eta bere uhartedia lotzen ditu; 71 kilometroko luzera, 1.600 eta 6.500 metro arteko zabalera eta 50 metroko bataz besteko sakonera ditu.
Bosforo itsasartea Istanbuleko bi kostaldeen artean dagoen bezala, Dardaneloetakoa Europa (Galipoli penintsula hain zuzen ere, Gelibolu turkieraz) eta Asiaren artean dago. Itsasartean dagoen hiri nagusia Çanakkale da. Dardanelo izena Dardanus frigiar hiriaren izenetik dator.
[aldatu] Historia
Itsasartea estrategikoki inportantea izan da. Mendebaldeko sarreran antzinako Troia hiria zegoen. 1915an Lehenengo Mundu Gerrako Galipoli edo Dardaneloetako Bataila jazo zen bertan, zeinetan Erresuma Batua, Frantzia, Australia eta Zelanda berriko itsas-armatak Otomandar Inperioari itsasartearen kontrola kentzen saiatu ziren.
