Bilbao Basket
Wikipedia(e)tik
Bilbao Berri - iurbentia Bilbao Basket Bilboko euskal saskibaloi taldea da
Eduki-taula |
[aldatu] Historia
2000. urteko martxoaren 7an eratuta, jadanik desagertutako Caja Bilbao taldea ordezkatu zuen. Bilboko hiriak betidanik izandako saskibaloi tradizioa berreskuratzeko asmoarekin eratua, Bizkaiko erakunde publikoen laguntza, eta bestelako erakundeen laguntza izan zuen, Bilboko Athletic Klubarena esaterako.
Hasierako denboraldian, LEB-2 mailan jokatzen hasi zen, eta bigarren denboraldian, 2001-2002an, play-off-a jokatu ostean, zilarrezko mailara, LEB liga, igotzea lortu zuen. Azkenik, 2003-2004 denboraldian Bilbao Basket-ek urrezko mailara, ACB liga, igo egin zen. Taldearen izena, ,bere babesle garrantzitsuena den, Lagun Aro aseguru etxearengandik jaso zuen. Taldeak dituen bestelako babesleen artean, FEVE, El Correo, Bilboko Udala eta Bizkaiko foru Aldundia daude.
[aldatu] Taldea gaur egun
Gaur egun, Bilbao Basketek ACB Ligan jokatzen du, liga honetako aurrekontu txikienetarikoa duelarik. Taldeak normalki Etxetxuko udal pabilioian jolasten du, baina 2005-06 denboraldian, Saski Baskoniaren aurka Bizkaia Arenan jolastu zuen, Bilbao Exhibition Centreren pabilioian alegia. Partiduan 12.500 ikusle izan ziren, eta Baskonia taldea garaitzea lortu zuten.
Bilbao Basketek bere etxeko norgehiagokak, Etxetxuko Udal pabiloian jokatzen ditu, pabilioiak guztira 5.200 ikuslerentzako edukiera dauka. Dena den, 2006an, Miribillako auzoan 8.000 ikusleentzako pabiloi berria eraikitzeko erakundeen arteko akordioa sinatu zen. Pabilioi berriarekin batera Miribillako auzoaren polikiroldegi berria eraikiko da, eta lanak 2010. urterako amaiturik egotea aurreikusten da.
[aldatu] Jokalariak
Bere partaideen artean aipagarri dira, Txus Vidorreta, maila guztiak igotzea lortu dituen entrenatzailea; Javi Salgado kapitaina, taldean dagoen bilbotar bakarra, Santutxukoa. Eta Fred Weis, 2005eko Eurobasketean Frantziarekin brontzezko domina eskuratu zuen jokalaria. Horrez gain, Fred Weis 2005-2006 denboraldian erasoan errebote gehien hartu zituen ACB Ligako jokalaria izan zen, eta aldi berean japoi jartzailerik nabarmenena.
[aldatu] Egungo taldea
Entrenatzailea: Txus Vidorreta
Jokalariak:
- Marcelino Huertas
- Javi Salgado
- Xabi Lopez
- Lucas Recker
- Mile Ilic
- Frederic Weis
- Pedrag Savovic
- Martin Rancik
- Quincy Lewis
- Drago Pasalic
- Marko Banic
- Paco Vazquez
