Anoetako estadioa
Wikipedia(e)tik
Anoeta | |
Datuak | |
---|---|
Kokapena | Donostia |
Inaugurazioa | 1993ko abuztuaren 13a |
Mota | belarra |
Edukiera | 32.000 ikusle |
Neurriak | 105 x 70 |
Jabea | Donostiako Udala |
Etxeko taldea | Real Sociedad |
Anoeta futbol zelaia, Donostiako Amara Berri auzoan dago. Real Sociedad talde donostiarrak jokatzen du bertan, baina zelaiaren jabegoa udalarena da ordea. 32.000 pertsonentzako eserlekuak ditu, guztiak teilatupean. Zelaiak 70 metro neurtzen ditu zabalean eta 105 metro luzetara, eta horrez gain, atletismoko pista bat ere badu. 2005az geroztik, Biarritz Olympique taldeak ere jokatzen du bertan Europa mailako partiduetan, Heineken Kopa. 2006ko Beteranoen Atletismoko Mundialak ere bertan ospatu ziren.
Anoetako estadioak 1913an inauguratutako Atotxa zelaia ordeztu zuen.
[aldatu] Inaugurazioa
Inaugurazio ofiziala 1993ko abuztuaren 13an egin zuten, "Kaixo Anoeta" izeneko ekitaldipean.
Bertan, beste zenbait ekintza batzuez gain, Real Sociedad eta Real Madrilen arteko lagunarteko lehia bat ere jokatu zen, 2-2 emaitzarekin amaitu zelarik.
Ordutik, norgehiagoka ugari jokatu dira bertan, besteak beste, UEFA txapelketa eta Txapeldunen Ligakoak.
[aldatu] Finantzaketa
Eraikuntzaren finantzazioa Donostiako Udala, Gipuzkoako Foru Aldundia eta Errealarena izan zen, eta "Anoetako Kiroldegia" izeneko elkarte pribatuak kudeatzen du.
[aldatu] Kiroletik kanpoko ekitaldiak
Kontzertuak zein ekitaldi erraldoiak ere egiten dira noizbehinka. Hala nola, 2005eko abuztuaren 9an U2 musika-talde irlandarrak bertan jo zuen; eta 2007ko udaran Rolling Stones. Anoetan jo duten musika taldeen artean ere, Depeche Mode edo Donostiako Orfeoia ditugu.